09.10.2026 | 23:15
ԿԸՀ-ն արձագանքել է Հրազդանի ընտրատարածքում դիտորդի մասնակցությամբ միջադեպին
Երբ որոշվեց 1 քննություն սահմանել, պետք է հաշվարկվեին ռիսկերը․ Սերոբ Խաչատրյան. ՏԵՍԱՆՅՈՒԹ
Հասարակություն
23.07.2020 | 12:49
Բուհերի ընդունելության կարգը պետք է փոխվի, քանի որ այն, ինչ ունենք այսօր, չի համապատասխանում բուհերի անկախության սկզբունքին։ Այս մասին այսօր «Ինչպե՞ս գնահատել դիմորդներին. հայտի և գիտելիքի գնահատման խնդիրը» քննարկման ժամանակ նշեց կրթության փորձագետ Սերոբ Խաչատրյանը։
«Այդ դեպքում այս խնդիրը չէինք ունենա։ Օրինակ, ԵՊՀ Միջազգային հարաբերությունների ֆակուլտետը կարող էր ասել, որ ինձ մոտ 15 միավորը լինելու է շեմ, և բոլոր այն դիմորդները, որոնք 15-ից պակաս են հավաքել, չեն ընդունվելու։ Երբ այդ շեմերը սահմանվեն, նման խնդիր չենք ունենա։ Ժամանակն է՝ մենք այս կրթական հարցերին վերջապես ռազմավարական լուծումներ տանք, թե չէ անընդհատ մենք իրավիճակային կռիվների մեջ ենք»,- նշեց Խաչատրյանը։
Նրա խոսքով՝ բարձր միավորներ ստացած և բուհ չընդունված դիմորդների խնդիրների հարցում մի քանի հանգամանքներ են գործել։
«Առաջինն այն էր, որ կորոնավիրուսով պայմանավորված՝ որոշում կայացվեց 1 քննություն սահմանել և այդ պահին շատ անորոշ վիճակ էր, դժվար էր կողմոնորոշվել՝ ինչ է լինելու հունիս-հուլիսին։ Մյուս կողմից էլ՝ բարդ իրավիճակ էր, և համարում եմ, որ ողջամիտ որոշում էր, որովհետև ռիսկերն անկանխատեսելի էին։ Բայց երբ նախարարությունը որոշեց 1 քննության տարբերակին գնալ, այստեղ պետք է հաշվարկվեին ռիսկերը»,- նշեց կրթության փորձագետը։
Մանրամասները՝ տեսանյութում։
