31.03.2026 | 18:25
Ժաննա Անդրեասյանն ու Հոսեյն Սիմայի Սարրաֆին քննարկել են երկկողմ հետաքրքրություն ներկայացնող ոլորտային հարցեր
Սամվել Բաբայանը դատապարտվեց 6 տարվա ազատազրկման
Հասարակություն
28.11.2017 | 11:14
Կենտրոն և Նորք-Մարաշ ընդհանուր իրավասության դատարանում, դատավոր Արշակ Վարդանյանի նախագահությամբ ավարտվեց ԼՂՀ ՊԲ նախկին հրամանատար Սամվել Բաբայանի գործով դատական նիստը:
Սամվել Բաբայանը ազատազրկվեց 6 տարի ժամկետով: Բաբայանն իրեն առաջադրված մեղադրանքը չի ընդունում, նա պահաջում էր արդարացման դատավճիռ, մինչդեռ մեղադրող դատախազը պահանջել էր Բաբայանին դատապարտել 7 տարի ազատազրկման:
Գործով մյուս մեղադրյալ Սանասար Գաբրիելյանը դատապարտվեց՝ 3, Անդրանիկ Պողոսյանը՝ 2 տարի ազատազրկման:
Հիշեցնենք՝ Սամվել Բաբայանը ձերբակալվել է այս տարվա մարտի 22-ին՝ Հայաստանի խորհրդարանական ընտրություններից օրեր առաջ: Նա «Օհանյան-Րաֆֆի-Օսկանյան» դաշինքի համակիրն էր։ Բաբայանը մեղադրվում է «Իգլա» տեսակի զենիթահրթիռային համալիր ձեռք բերելու, ինչպես նաև փողերի լվացման մեջ: Մասնավորապես, ըստ մեղադրանքի, նա փորձել է հանցավոր ճանապարհով Ռուսաստանից ստացված՝ օրինական շրջնառությունից դուրս եկած և հատուկ ներկանյութով ներկված եվրո թղթադրամները քիմիական մաքրման ենթարկել՝ հետագայում դրանք Հայաստանում շրջանառության մեջ դնելու նպատակով:
Մանրամասները՝ ավելի ուշ:
Լիլիթ Շաբոյան
