07.07.2026 | 17:49
Հայաստանի և ԱՄԷ-ի վարորդական վկայականները փոխադարձաբար կճանաչվեն
UNESCO-ն բազմիս իր մտահոգություններն է հայտնել Թուրքիայի Սբ Սոֆիայի կարգավիճակի հարցով
Մշակույթ
10.07.2020 | 19:35
ՄԱԿ-ի կրթության, գիտության և մշակույթի կազմակերպությունը (ՅՈՒՆԵՍԿՕ) մի քանի անգամ նամակով դիմել է Թուրքիայի իշխանություններին՝ իր մտահոգությունները հայտնելով Ստամբուլի բյուզանդական Սբ Սոֆիա տաճարի կարգավիճակը փոխելու նախաձեռնության կապակցությամբ. գրում է ermenihaber-ը:
Կազմակերպությունից արած հայտարարության մեջ տեղեկացվել է, որ իրենք Թուրքիային իրենց մտահոգությունները հայտնել են նաև ՄԱԿ-ում Թուրքիայի դեսպանի միջոցով։
Կազմակերպությունից «Reuters» գործակալությանը տված մեկնաբանության մեջ նշել են, որ այդպիսի օբյեկտներում ցանկացած փոփոխություն կատարելու համար պետությունը նախ պիտի ծանուցում ուղարկի ՅՈՒՆԵՍԿՕ-ին։
ՅՈՒՆԵՍԿՕ-ն հիշեցրել է, որ տաճարը, որպես «Ստամբուլի պատմական շրջանի» մաս, ընգրկված է համաշխարհային ժառանգության ցանկում որպես թանգարան։ Այս փաստը հանգեցնում է մի շարք իրավական պարտավորությունների: Պետությունը, որի տարածքում գտնվում է տաճարը, պետք է ապահովի օբյեկտի բացառիկ համընդհանուր արժեքի անփոփոխությունը:
