10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
«Պայթյունավտանգ իրավիճակ չունենք». Արսեն Թորոսյանի հարցաքննությունն ավարտվեց. ՏԵՍԱՆՅՈՒԹ
Հասարակություն
03.07.2020 | 14:28
«Հայաստանի Հանրապետությունում կորոնավիրուսային հիվանդություն ունեցող քաղաքացիները ստանում են պատշաճ բուժօգնություն, ինչը մեզնից շատ զարգացած երկրներում տեղի չի ունեցել։ Ինչ վերաբերում է թվերին, որոնք, ցավոք սրտի, չեն իջնում, բայց արձանագրվում են նման հավաքների ժամանակ և ոչ թե բժշկական հաստատություններում, կախված է ոչ միայն Կառավարության քայլերից, այլև մեր բոլորի վարքագծից։ Մենք չունենք պայթյունավտանգ իրավիճակ։ Բոլոր կանխատեսումներով հիմա պետք է ունենայինք 30 հազարից ավելի դեպք, բայց ունենք 27 հազար»,- այսօր լրագրողների հետ զրույցում ասաց առողջապահության նախարար Արսեն Թորոսյանը։
Լրագրողը նշեց, որ պատրաստվում են քննիչ հանձնաժողով ստեղծել կորոնավիրուսի հետ կապված բացթողումների բացահայտման համար, և հարցին՝ արդյոք ինքը պատրա՞ստ է պատասխանել հարցերին, նախարարն ասաց. «Մենք պատրաստ ենք, ես անձամբ պատրաստ եմ պատասխանել բոլոր հարցերին՝ բոլոր անձանց։ Իմ քաղաքական գնահատականն է, որ Հայաստանն իր ունեցած ռեսուրսներով, իրավիճակով բավական լավ պայքարել է համաշխարհային մարտահրավերի դեմ»։
Մանրամասները՝ տեսանյութում։
