10.08.2026 | 14:20
Հայկ Առաքելյանը նշանակվել է ՀՀ շրջակա միջավայրի նախարարի տեղակալ
Շիրակում հաստատվել է կորոնավիրուսային հիվանդության 57 նոր դեպք․ Գյումրու ինֆեկցիոնում բուժվում է 89 հիվանդ
01.07.2020 | 15:43
Շիրակի մարզպետարանի հրապարակած տվյալների համաձայն՝ Գյումրու ինֆեկցիոն հիվանդանոցում 89 հիվանդ է բուժվում, նրանցից 84-ը Շիրակի մարզի բնակիչ է։ 37 հիվանդ էլ տեղափոխվել և բուժում է ստանում Երևանում։
Մարտի 1-ից մինչ օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 4․467 նմուշառում, մայիսի 12-ից հունիսի 30-ը ներառյալ Գյումրիում իրականացվել է 3․113 նմուշառման հետազոտություն։ Օրական կատարվում է մոտ 200 նմուշառման հետազոտություն։
Հունիսի 30-ին հաստատվել է կորոնավիրուսային հիվանդության 57 նոր դեպք։
Մարզում երկու օրվա ընթացքում ավելացել է տնային ինքնամեկուսացման ցուցում ունեցող ու դրական անախտանիշ ընթացքով հիվանդների թիվը։ Այսօրվա դրությամբ՝ տնային ինքնամեկուսացման ցուցում ունի 1․054 քաղաքացի (969-ի փոխարեն) նրանցից 252-ի (214-ի փոխարեն) մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։
Մինչև օրս էլ կորոնավիրուսից առողջացել և հիվանդանոցից դուրս է գրվել Շիրակի մարզի 271 բնակիչ։ Ընդհանուր առմամբ, մարզում արձանագրվել է մահվան 21 դեպք։
