12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Կորոնավիրուսից մահվան նոր դեպք Շիրակում․ մարզում, ընդհանուր առմամբ, գրանցվել է 17 մահ
25.06.2020 | 16:19
Շիրակում մարզում արձանագրվել է կորոնավիրուսից մահվան 17-րդ դեպքը։ Մահացողը 1931 թվականին ծնված կին է, Շիրակի մարզի բնակիչ։ Նա ունեցել է ուղեկցող հիվանդություններ, մահացել է Գյումրու ինֆեկցիոն հիվանդանոցում։ Այս մասին Factor.am-ին փոխանցեցին Շիրակի մարզպետարանի տեղեկատվության ու հասարակայնության հետ կապերի բաժնից։
Շիրակի մարզպետարանի հրապարակած տվյալներով՝ Գյումրու ինֆեկցիոն հիվանդանոցում կորոնավիրուսով 87 հիվանդ է բուժվում, նրանցից 80-ը Շիրակի մարզի բնակիչ է։ 33 հիվանդ տեղափոխվել է մայրաքաղաք ու այնտեղ է բուժում ստանում։
Փոքր-ինչ նվազել է ինքնամեկուսացման ցուցում ունեցողների ու անախտանիշ ընթացքով հիվանդների թիվը։ Մարզում, այսօրվա դրությամբ, տնային ինքնամեկուսացման ցուցում ունի 855 քաղաքացի, նրանցից 196-ի մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։
Կորոնավիրուսից առողջացել և հիվանդանոցից մինչ օրս դուրս է գրվել Շիրակի մարզի 238 բնակիչ։
Մարտի 1-ից մինչ օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 3.876 նմուշառում, մայիսի 12-ից հունիսի 24-ը ներառյալ Գյումրիում իրականացվել է 2.522 նմուշառման հետազոտություն։
Էմմա Չոբանյան
