18.11.2024 | 12:37
Հեռանում եմ հանգիստ և խաղաղ․ Գնել Սանոսյանը աշխատանքից ազատման դիմում է գրել
Կրտսեր դպրոցն ավարտողների 30 %-ը չի կարողանում կարդալ և հասկանալ․ պրոֆեսիոնալիզմի խնդիրը սկսվում է այստեղից․ Լուսինե Խառատյան. ՏԵՍԱՆՅՈՒԹ
Հասարակություն
23.06.2020 | 12:02
Կրթության, գիտության, մշակույթի և սպորտի նախարարի բոլոր հայտարարությունները մնում են կիսատ, և անհայտ է դրանց հանգուցալուծումը։ Այս մասին «Գաջ քսողից՝ մենեջեր, կա պրոֆեսիոնալիզմի պակաս: Իսկ ինչի՞ պակաս կա կառավարությունում, եթե «կրթական համակարգն ավերակ» է» թեմայով քննարկման ժամանակ ասաց հետազոտող Լուսինե Խառատյանը՝ ընդգծելով, որ արդեն կասկածամտորեն է վերաբերում նախարարության հայտարարություններին։
Խառատյանի խոսքով՝ ԿԳՄՍ նախարարության կողմից մասնակցային գործընթացների պակաս կա, առավել ակտիվություն է զգացվում քաղաքացիների կողմից, սակայն մարդիկ, չհասկանալով՝ ինչ անեն կամ որ գաղափարի հետևից գնան, հոգնում են ու արդյունք չի լինում։
Անդրադառնալով պրոֆեսիոնալիզմի պակասին՝ Լուսինե Խառատյանը նշեց․ «Եթե մենք ասում ենք, որ այսօր գաջ անող էլ չկա, պրոֆեսիոնալիզմի պակաս կա, դա սկսվում է հենց դպրոցից։ Մենք ունենք սարսափելի թիվ՝ ՀՀ-ում կրտսեր դպրոցն ավարտող երեխաների 30 տոկոսը չի կարողանում կարդալ ու հասկանալ 1-2 պարբերությամբ պրիմիտիվ տեքստ։ Դա իրոք ամենավատ թիվն է, որը կա նախկին ԽՍՀՄ տարածքում և, ընդհանրապես, Հայաստանի կրթական համակարգի դեգրադացիայի մասին է խոսում»։
Նա հավելեց, որ պրոֆեսիոնալիզմի բացակայությւոնը սկսվում է այստեղից, քանի որ այս պայմաններում կրթության մյուս փուլերը, կարելի է ասել, տապալված են։
Մանրամասները՝ տեսանյութում։
