19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Ո՞նց է որոշվելու՝ քաղհասարակության որ շերտի ներկայացուցիչ է ներգրավվելու․ Արուսյակ Ջուլհակյան. ՏԵՍԱՆՅՈՒԹ
Հասարակություն
19.06.2020 | 20:46
Արդարադատության նախարարության առաջարկած Փաստահավաք հանձնաժողովի կազմում քաղհասարակության ներկայացուցիչների ընդգրկելու հարցում «Իմ քայլը» խմբակցության պատգամավոր Արուսյակ Ջուլհակյանը խնդիր է տեսնում։ Այս մասին պատգամավորը նշեց «Փաստահավաք հանձնաժողով․ արդարության և ճշմարտության վերականգնման հնարավորություն» թեմայով քննարկման ժամանակ։
Նա ընդգծեց, որ ներկայում քաղհասարակությունը շատ խայտաբղետ է և անհասկանալի է՝ քաղհասարակության կոնկրետ ո՞ր շերտի ներկայացուցիչներ պետք է ընդգրկվեն։
«Օրինակ՝ մենք տեսնում ենք քաղաքական ուժերի մի շարք ներկայացուցիչների, հեղափոխությամբ մերժված, որոնք ձեռքի թեթև շարժումով ներկայում իրենց վերածել են իրավապաշտպանների և այդ վեհ անվան տակ փորձ են անում սպասարկել կոնկրետ քաղաքական խմբերի շահերը։ Բայց, այդուհանդերձ, իրենք նույնպես համարվում են քաղհասարակություն։ Ինձ մոտ հարց է առաջանում, թե ոնց է որոշվելու՝ որ խմբակցությունը հասարակության որ շերտից է կատարելու ընտրությունը»,- նշեց պատգամավորը։
Հիշեցնենք, որ ՀՀ արդարադատության նախարարությունը մշակել և հանրային քննարկման է ներկայացրել «Հայաստանի Հանրապետության փաստահավաք հանձնաժողովի մասին» ՀՀ օրենքի և հարակից օրենքների նախագիծը։ Այս հանձնաժողովն օժտված է լինելու 1991-2018 թվականների ընթացքում Հայաստանի Հանրապետությունում տեղի ունեցած մարդու իրավունքների զանգվածային և պարբերական խախտումների դեպքերը և դրանց պատճառներն ուսումնասիրելու, դրանց վերաբերյալ տեղեկություններ հավաքագրելու և դրանց կրկնության բացառմանն ուղղված առաջարկություններով հանդես գալու իրավասությամբ:
Մանրամասները՝ տեսանյութում։
