03.04.2026 | 13:46
ՄԱԿ-ի Անվտանգության խորհուրդը կքննարկի և քվեարկության կդնի Հորմուզի նեղուցի վերաբացման հարցը
Գագիկ Ծառուկյանն արդեն իսկ բազմաթիվ հանդիպումներ է ունեցել քաղաքական ուժերի ու ՀԿ սեկտորի հետ. Իվետա Տոնոյան
Քաղաքականություն
09.06.2020 | 20:14
Այսօր ԱԺ «Բարգավաճ Հայաստան» խմբակցությունը ԲՀԿ գրասենյակում շտապ նիստ է անցկացրել։ Նիստը գլխավորել է ԲՀԿ նախագահ և խմբակցության ղեկավար Գագիկ Ծառուկյանը։
Factor.am-ը խմբակցության պատգամավոր Իվետա Տոնոյանից նիստին վերաբերող որոշ մանրամասներ պարզեց։
«Աշխատանքային քննարկում էր։ Որևէ էքստրաօրդինար կամ հրատապ բան չկա։ Քննարկվել են քաղխորհրդի հրատապ նիստին հաջորդած իրադարձություններն, առաջիկա անելիքները»,- ասաց նա։
Պատգամավորը նշեց, որ քաղաքական քննարկումների փուլն ընթացքի մեջ է։ «Դրանց բովանդակային մասին ես կոմպետենտ չեմ այս պահին անդրադառնալու։ Պարոն Ծառուկյանն արդեն իսկ բազմաթիվ քաղաքական հանդիպումներ է ունեցել թե՛ կուսակցությունների, թե՛ հասարակական սեկտորի ներկայացուցիչների հետ։ Հանդիպումներն ընթացքի մեջ են»,- ասաց Տոնոյանը։
Հիշեցնենք, որ հունիսի 6-ին ԲՀԿ քաղխորհրդի նիստ էր կայացել, որի ժամանակ կուսակցության նախագահ Գագիկ Ծառուկյանը հայտարարել էր, որ կառավարության 100 տոկոսը պետք է փոխվի՝ գաղափարակից ուժերին ու անհատներին կոնսոլիդացիայի կոչ անելով։ Դրան հաջորդեց իշխող ուժի բուռն քննադատությունն՝ ուղղված Ծառուկյանին և նրա ուժի մյուս ներկայացուցիչներին։
Մերի Մարտիրոսյան
