16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իրանում մտադիր են մահապատժի ենթարկել Սոլեյմանիի գտնվելու վայրը ամերիկացիներին հայտնողին
Քաղաքականություն
09.06.2020 | 18:49
Թեհրանը հայտնել է ամերիկյան ենթադրյալ լրտեսին մահապատժի ենթարկելու մտադրության մասին, որը, քննիչների պնդմամբ, ամերիկացիներին հայտնել է Իսլամական հեղափոխության պահապանների կորպուսի գեներալ Ղասեմ Սոլեյմանիի գտնվելու վայրը։ Այս մասին գրում է DW-ի ռուսական ծառայությունը։
Սոլեյմանին, հիշեցնենք, հունվարին սպանվեց ամերիկյան անօդաչուի հարվածի արդյունքում։
Իրանի Արդարադատության նախարարության ներկայացուցչի տեղեկացմամբ՝ Մահմուդ Մուսավի-Մաջդի գործով մահապատժի վճիռը հաստատվել է Գերագույն դատարանի կողմից և շուտով ի կատար կածվի։
ԱՆ ներկայացուցիչը չի հայտնել, թե երբ է մահապատժի ենթարկվելու Մուսավի-Մաջդը, միաժամանակ, նշելով, որ նա աշխատել է և՛ ամերիկյան ԿՀՎ-ի, և՛ իսրայելական «Մոսադ»-ի համար, և խոշոր չափի պարգևի դիմաց նրանց տեղեկություններ փոխանցել գեներալ Սոլեյմանիի գտնվելու վայրի ու տեղաշարժի մասին։
AP գործակալությունն էլ նշել է, որ իրանական Արդարադատության նախարարության ներկայացուցչի այս հայտարարությունից հետո հարցեր են առաջացել, թե Մուսավի-Մաջդն ինչպես կարող էր Սոլեյմանիի տեղաշարժի մասին տեղեկություններ ունենալ։ ԿՀՎ-ն և «Մոսադ»-ը դեռևս րեն մեկնաբանել Թեհրանի հաղորդումները։
Նշենք, որ փետրվարին էլ իրանական դատարանը մահապատժի վճիռ էր կայացրել մեկ այլ ենթադրյալ ամերիկյան լրտեսի՝ Ամիր Ռահիմպուրի գործով։ Նրան մեղադրում էին Իրանի ատոմային ծրագրի մասին ԱՄՆ-ին տեղեկություններ փոխանցելու համար։
