10.06.2026 | 21:52
Ադրբեջանի ռազմածովային ուժերը Կասպից ծովում զորավարժություններ են անցկացնում
Ատելության խոսքը, թրոլինգը չպետք է խառնենք խոսքի ազատության հետ. Արթուր Հովհաննիսյան. ՏԵՍԱՆՅՈՒԹ
Հասարակություն
05.06.2020 | 19:35
Ատելության խոսքի դեմ պայքարի վերաբերյալ իշխանության ներկայացուցիչները քննարկումներ են ունենում, միջազգային փորձն է ուսումնասիրվում։ Այս մասին այսօր «Առցանց ատելություն․ հնարավո՞ր է օրենքով պայքարել դրա դեմ» թեմայով քննարկման ժամանակ ասաց «Իմ քայլը» խմբակցության պատգամավոր Արթուր Հովհաննիսյանը։
Անդրադառնալով մտահոգություններին, որ ատելության խոսքի դեմ պայքարի շրջանակում, հնարավոր է, խոսքի ազատությունը ոտնահարվի, պատգամավորը նշեց, որ աշխատանքային խումբը պետք է ամեն ինչ անի, որպեսզի աշխատանքների ընթացքում թրոլինգը, մանիպուլյացիոն արտահայտությունները չխառնեն ատելության խոսքի հետ, ինչպես նաև չխառնեն մարդկանց ազատ խոսքի իրավունքի հետ։
«Մեր գլխավոր նպատակը հենց ազատությունների ապահովումն է, և շատ կարևոր առաքելություն կա այսօր․ դա մարդկանց ընկալումն է ազատությունների մասին և, առհասարակ, մարդկանց ընկալումը օրենքների հետ կապված։ Երբ մենք անընդհատ խոսում ենք օրենքներից՝ պատժիչ լինելու տեսանկյունից, նույն, օրինակ, բռնության կոչերի դեմ ուղղված օրենքը ինձ համար առաջին հերթին կանխարգելող օրենք է»,- նշեց պատգամավորը։
Նրա խոսքով՝ օրենքները պատժիչ դեր պետք է ունենան, սակայն ավելի արդյունավետ է կանխարգելումը։
Մանրամասները՝ տեսանյութում։
