30.09.2026 | 17:18
Ալիկ Ալեքսանյանի պաշտպանը կաշկանդվում է տեսախցիկներից. դատարանն արգելեց տեսանկարահանում իրականացնել
Նիկոլ Փաշինյանը 2013թ․ լուսանկարը հրապարակել է որպես 2020թ․ հակահամաճարակային կանոնների խախտման ապացույց
05.06.2020 | 17:46
ՀՀ վարչապետ Նիկոլ Փաշինյանը ֆեյսբուքյան իր էջում շարունակում է կորոնավիրուսի հակահամաճարակային կանոնների խախտման ապացույցներ հրապարակելու ֆլեշմոբը։
Հերթական լուսանկարում, որը վարչապետը մոտ 2 ժամ առաջ է հրապարակել, Վայոց ձորի Նորավանք վանական համալիրն է և մի խումբ երեխաներ՝ վանքի աստիճաններին նստած։ Փաշինյանն այն մակագրել է․ «Առանց մեկնաբանության»։
Քիչ առաջ, սակայն, Armenia Planet Tour զբոսաշրջային գործակալությունը ֆեյսբուքյան իր էջում հերքել է լուսանկարի՝ 2020 թվականին արված լինելու հանգամանքը։
Գործակալության պարզաբանման մեջ, մասնավորապես, նշված է․ «Վարչապետ Նիկոլ Փաշինյանն այսօր ֆեյսբուքյան իր էջում տեղադրել է մեր էջից վերցված մի նկար, որն արվել է 2013 թվականին, սակայն տեղադրվել 2020թ-ի հունիսի 1-ին՝ երեխաների տոնի կապակցությամբ: Ցավում ենք, որ երկրի ղեկավարը տարածում է չստուգված փաստեր և պահանջում ենք անհապաղ հեռացնել այդ հաղորդագրությունը»։
Factor.am-ը նաև ուսումնասիրեց Armenia Travel Tour-ի ինստագրամյան էջը, ինչի արդյունքում պարզ դարձավ, որ զբոսաշրջային գործակալությունը տվյալ լուսանկարը հրապարակել է 2020-ի հունիսի 1-ին՝ շնորհավորելով երեխաների պաշտպանության միջազգային օրը։ Լուսանկարին կից գրված է՝ «2013 թվական»։
Նելլի Մելքոնյան
