18.11.2024 | 11:33
Օպերայի շրջակայքի շինությունները, ամենայն հավանականությամբ, քանդելու ենք․ Ավինյան․ ՏԵՍԱՆՅՈՒԹ
Բելառուսը գազի հարցով ռուսական կողմի հետ կառուցողական երկխոսության հույս ունի
Տնտեսություն
05.06.2020 | 16:00
Բելառուսի Էներգետիկայի նախարարությունը գազային ոլորտում համագործակցության հարցերով ռուսական կողմի հետ կառուցողական երկխոսության հույս ունի։ Այս մասին ԲԵԼՏԱ-ին հայտնել են նախարարության մամուլի ծառայությունից։
«Էներգետիկայի նախարարությունը բնական գազի մատակարարման հարցերի շուրջ շարունակում է փոխգործակցել ՌԴ Էներգետիկայի նախարարության և «Գազպրոմ» ընկերության հետ։ Հունիսի սկզբին Բելառուսի Էներգետիկայի նախարարությունը նամակ է հղել «Գազպրոմ» ընկերության կառավարման խորհրդի նախագահ Ալեքսեյ Միլերին, որում նախանշված են երկկողմ օրակարգի առանցքային հարցերը և դրանց քննարկմանն ուղղված առաջարկությունները, մասնավորապես՝ 2020 թվականին գազի մատակարարման պայմանների և 2021-ի հունվարի 1-ից գազի գնագոյացման մեթոդաբանության վերաբերյալ»,- նշել է նախարարության մամուլի ծառայությունում։
Աղբյուրի փոխանցմամբ՝ նամակում շեշտվում է, որ մատակարարվող բնական գազի գնի հարցում տարաձայնությունները՝ հաշվի առնելով դրա կալորիականությունը, ծագել են տնտեսվարող սուբյեկտների՝ «Բելտոպգազ»-ի, «Նաֆթան»-ի և «Գազպրոմ տրանսգազ Բելառուս»-ի միջև։
Տարաձայնությունները հարթելու համար Բելառուսի Էներգետիկայի նախարարությունը նշել է «Գազպրոմ Տրանսգազ Բելառուս»-ի կողմից «Բելտոպգազ»-ին բնական գազի փաստացի միջին ամսական այրման ջերմության և դրա պիտանելիության հաստատման մեթոդաբանության տրամադրման անհրաժեշտությունը՝ Բելառուսի օրենսդրությանը համապատասխան:
«Բելառուսի Էներգետիկայի նախարարությունն իր հերթին պատրաստ է ապահովել այս մեթոդաբանության օպերատիվ դիտարկումը «Բելտոպգազ»-ում»,- հավելել են նախարարությունում։
