18.12.2025 | 17:47
Լավրովը ՀՀ-ում ընտրությունների հետ կապված Կալլասի արտահայտությունները որակել է «արտաքին միջամտության խոստովանություն»
Մանկապարտեզ հաճախում է երեխաների 8.3%-ը. պաշտոնյա. ՏԵՍԱՆՅՈՒԹ
Հասարակություն
27.05.2020 | 11:30
Տեսչական մարմինների աշխատանքների համակարգման գրասենյակի ղեկավար Արթուր Ասոյանը Կառավարության այսօրվա նիստում նշեց, որ մեկ շաբաթվա ընթացքում հանրային սննդի 87 օբյեկտ է փակվել, ևս 12-ը այսօր կփակվի:
Առողջապահական տեսչության կողմից մեկ շաբաթում դադարեցվել է 290 օբյեկտի գործունեություն: Ընդհանուր դադարեցվել է 822 տնտեսվարողի գործունեություն:
Փակված մանկապարտեզներ չկան, բայց հաճախելիությունը ցածր է՝ 8․3 տոկոս:
Ոստիկանապետ Արման Սարգսյանն էլ նշեց, որ այս ընթացքում, ընդհանուր առմամբ, կազմվել է 966 արձանագրություն, որից դիմակ չկրելու համար կազմվել է 240 արձանագրություն, տրանսպորտում կանոնները չպահպանելու համար՝ 657 արձանագրություն, որից 594-ը տաքսիներ են, 63-ը՝ հանրային տրանսպորտ, իսկ 69-ը՝ մարդատար ավտոմեքենաներ:
Մանրամասները՝ տեսանյութում։
