09.10.2026 | 22:28
Պանամայում 7,6 մագնիտուդով երկրաշարժ է գրանցվել
Կորոնավիրուսի համաճարակի հետ կապված Հայաստանում ստեղծվել է ծանր իրավիճակ. Նիկոլ Փաշինյան. ՏԵՍԱՆՅՈՒԹ
27.05.2020 | 11:22
Մենք գործ ունենք կորոնավիրուսի վարակի երկրորդ ալիքի հետ. այստեղ կարևոր առաձնահատկությունն այն է, որ մենք գիտենք այն ձևը, որով կարող ենք կորոնավիրուսի մեր ցուցանիշները հասցնել զրոյականի: Այս մասին այսօր՝ մայիսի 27-ին Կառավարության նիստում հայտարարեց ՀՀ վարչապետ Նիկոլ Փաշինյանը:
Նա հավելեց, որ դրան հասնելու համար պետք է պահպանել երեք պարզ կանոն՝ կրել դիմակ, պարբերաբար ախտահանել, լվանալ ձեռքերը և պահպանել սոցիալական հեռավորություն:
Փաշինյանը նկատեց, որ հիմա էլ բազմաթիվ ՀՀ քաղաքացիների վերադարձնում են հայրենիք, որոնց մեջ կարող են լինել վարակվածներ, և եթե հանրային վարքագծով չկարողանանք կանխել վիրուսի տարածումը, ապա անընդհատ կանգնելու ենք նման իրավիճակի առջև:
«Երկրորդ մեթոդը վարչական մեթոդն է, և որոշել ենք ամենօրյա ռեժիմով խստացնել հարկադրանքի մեթոդները, որպեսզի բոլոր քաղաքացիները կիրառեն այդ կանոնները»,- ասաց նա:
Վարչապետը հավելեց, որ տարբեր բնակավայրերում կիրականացվեն ամենօրյա ռեյդեր, որպեսզի նաև տեղում համոզվեն, թե որքանով են կատարվում պահանջները: Նախօրեին նման ռեյդ իրականացվել է Դավիթաշեն վարչական շրջանում: Այսօր ևս կիրականացվի, սակայն նախապես չի նշվի, թե որտեղ:
Մանրամասները՝ տեսանյութում։
