Գյումրիի նախակրթարանները պատրաստվում են վերաբացվելուն. ծնողները, սակայն, չեն շտապում երեխաներին մանկապարտեզ ուղարկել

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

ՀՀ պարետի որոշմամբ սահմանափակումները թուլացնելուն զուգահեռ՝ աշխատանքն են վերսկսում նախադպրոցական կրթական հաստատությունները։ Կառույցներում կորոնավիրուսի տարածման կանխարգելման նպատակով սահմնանված են  անվտանգության հատուկ կանոններ։

Մասնավորապես, բացառվում է երեխային ուղեկցող անձի մուտքը նախադպրոցական կրթական հաստատություն, անհրաժեշտ է նախակրթարաններում երեխաների խնամքի և կրթության գործընթացը կազմակերպել բեռնաթափված խմբերով՝ դրանք դարձնելով 10-12 հոգանոց և ապահովելով խաղալու, պարապմունքների, սննդի և քնի ժամանակ երեխաների միջև 1.5-2 մետր սոցիալական հեռավորություն։

Բացի այդ, նախադպրոցական կրթական հաստատությունները վերաբացելուց 1 օր առաջ և յուրաքանչյուր աշխատանքային օրվա ավարտից հետո պետք է իրականացվեն  ընդհանուր մաքրման և ախտահանման աշխատանքներ հաստատության ամբողջ տարածքում՝ ներառյալ, այդպիսին լինելու դեպքում, բակային տարածքի խաղահրապարակը և գույքը՝ կիրառելով 60-80% սպիրտ պարունակող ախտահանիչ նյութեր:

Թեև մայիսի 20-ից մանկապարտեզները պետք է վերսկսեին աշխատանքը, սակայն Գյումրու 24 մանկապարտեզների մեծ մասը դեռ չի վերաբացվել։ Ստեղծված իրավիճակում ծնողների մեծ մասը երեխաներին նախընտրում է մանկապարտեզ չուղարկել։

Գյումրիի «Էյլիթիյա» մանկապարտեզի տնօրեն Լիլիթ Համբարձումյանը Factor.am-ի հետ զրույցում ասաց՝ նախակրթարանը դեռ չի աշխատում, նախապատրաստական աշխատանքներ են տարվում։ Մանկապարտեզն ունի 140 սան, սակայն քանիսն են հաճախելու, դեռ պարզ չէ։

«Ոմանք ցանկություն հայտնել են երեխաներին մանկապարտեզ բերելու, ոմանք՝ ոչ: Դժգոհում են սննդի հետ կապված, որ պարետի որոշմամբ՝ իրենք են բերելու։ Վերջնական դեռ չգիտենք՝ քանի հոգի է գալու, որովհետև օրեցօր, ժամ առ ժամ բան է փոխվում»,- նշեց տնօրենը։

«Երազանք» մանկապարտեզը ևս դռները դեռևս չի բացել սաների առաջ։ Մանկապարտեզում նախապատրաստական եռուզեռ է, ախտահամման աշխատաքներ են կատարվում։

«Ընդհանուր առմամբ՝ 78 սան ունենք, որոնցից 4-5 են գալու։ Մյուսների ծնողները եկան, դիմում գրեցին, որ հարմար չէ այդ պայմաններով»,- մեզ հետ զրույցում ասաց «Երազանք» մանկապարտեզի մանկավարժ Ժենյա Վարդանյանը։

Նա նաև նշեց՝ քանի որ քիչ սաներ են հաճախելու, ավելի հեշտ կլինի անվտանգության կանոնների պահպանումը։

«Պայմաններն այնպես են, որ սնունդը պիտի ծնողը բերի, հեռավար ջերմաչափման սարքն այսօր պիտի ստանանք, բուժքույրը պատրաստ է, որ ստուգի: Ինչ վերաբերում է երեխաների հեռավորությունը խմբասենյակում պահելուն, դժվար չի լինի։ Մեր մանկապարտեզում էլ սնունդն առանձին են ուտում, խմբասենյակում չեն ուտում, ճաշասրահ ունենք»,- ասաց Ժենյա Վարդանյանը։

Պարետատան կանոնների համաձայն՝ երեխաները սնունդը բերելու են տանից ՝ առանձնացված տարաներով: Հենց սա էլ հիմնականում հարուցել է ծնողների դժգոհությունը։

«Հիմնականում սննդի հարցն է։ Ասում են՝ ուշ ենք գալիս աշխատանքից, ի՞նչ պատրաստենք, որ հաջորդ օրվա համար բերենք, նաև անկողինը պիտի ամեն օր տանենք լվանանք, չենք հասցնի»,- նշեց Վարդանյանը։

«Երազանք» մանկապարտեզը, ամենայն հավանականությամբ, կսկսի գործել երկուշաբթի օրվանից, երբ ախտահանման աշխատանքներն ամբողջությամբ կատարվեն:

Էմմա Չոբանյան