30.04.2026 | 18:30
Հնդկաստանն ու Հայաստանը ռազմական տեխնիկայի համատեղ մշակում են սկսել. The Indian Express
Բայդենը թույլատրել է Ուկրաինային օգտագործել ԱՄՆ-ից մատակարարված հեռահար հրթիռները․ AP
Քաղաքականություն
17.11.2024 | 23:16
ԱՄՆ նախագահ Ջո Բայդենն առաջին անգամ թույլատրել է Ուկրաինային օգտագործել ԱՄՆ-ից մատակարարված հեռահար հրթիռներ՝ հարվածելու Ռուսաստանի տարածքում․ գրում է Associated Press-ը՝ վկայակոչելով ԱՄՆ մի պաշտոնյայի և այդ հարցին ծանոթ երեք այլ անձանց։
Ըստ լրատվամիջոցի՝ այս որոշումը ԱՄՆ քաղաքականության կարևոր շրջադարձ է և կայացվում է այն պահին, երբ Բայդենը պատրաստվում է լքել պաշտոնը, իսկ ընտրված նախագահ Դոնալդ Թրամփը հայտարարել է, որ արագ վերջ կտա պատերազմին և կասկած հայտնել ԱՄՆ-ի շարունակական աջակցության հարցում։
«Հնարավոր է՝ այս զենքերը օգտագործվեն ի պատասխան Հյուսիսային Կորեայի որոշմանը՝ հազարավոր զինվորներ ուղարկել Ռուսաստան՝ աջակցելու նախագահ Վլադիմիր Պուտինի Ուկրաինա ներխուժմանը, նշում է աղբյուրներից մեկը։ Պաշտոնյան և հարցին ծանոթ մարդիկ, որոնք չէին լիազորված հրապարակային քննարկել այս որոշումը, խոսել են անանունության պայմանով։
Ուկրաինայի նախագահ Վլադիմիր Զելենսկին և նրա շատ արևմտյան աջակիցներ ամիսներ շարունակ կոչ են արել Բայդենին թույլատրել Ուկրաինային հարվածել Ռուսաստանի տարածքում գտնվող ռազմական օբյեկտներին արևմտյան մատակարարված հրթիռներով՝ նշելով, որ ԱՄՆ արգելքը Ուկրաինային թույլ չի տալիս կասեցնել իր քաղաքների և էլեկտրական ցանցերի վրա ռուսական հարձակումները»,- գրում է աղբյուրը։
