18.07.2026 | 14:18
2026-ին Հայաստանի բուհեր ընդունվել է 9620 դիմորդ․ ԳԹԿ
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Քաղաքականություն
17.11.2024 | 21:43
Եվրամիությանն ինտեգրումը Վրաստանի գլխավոր արտաքին քաղաքական առաջնահերթությունն է, և մենք ամեն ինչ կանենք այդ խնդիրը կատարելու համար,- լրագրողներին ասել է Վրաստանի վարչապետ Իրակլի Կոբախիձեն․ փոխանցում է Վրաստանի առաջին ալիքը։
Եվրահանձնաժողովի նոր կազմի մասին, որտեղ պաշտոններ են զբաղեցնում Կուբիլիուսն ու Յուկնեվիչիանեն, լրագրողների հարցին վարչապետը պատասխանեց.
«Կուբիլիուսն ու Ռասան հետաքրքիր չեն, նրանց հետ համագործակցության ռեսուրսը գործնականում ամբողջությամբ սպառված է եւ սա նրանց գործողությունների արդյունքն է։ Ինչ վերաբերում է ընդհանուր առմամբ Եվրամիության հետ համագործակցությանը, ապա ամեն ինչ ընթանում է այնպես, ինչպես նախատեսել էինք։ Վրաստանում ավարտվեցին մեկ ընտրություններ, Ամերիկայի Միացյալ Նահանգներում ավարտվեցին ևս մեկ ընտրություններ, ավարտվեցին ճիշտ այնպես, ինչպես կհամապատասխաներ Վրաստան-Ամերիկայի Միացյալ Նահանգներ և Վրաստան-ԵՄ հարաբերություններին: Հիմա մնացել է ևս մեկ՝ երրորդ հարց, սա Ուկրաինայի պատերազմի ավարտն է, և արդեն ակտիվորեն խոսվում է այն մասին, որ Ուկրաինայում պատերազմը շուտով կավարտվի։ Իհարկե, այս երեք իրադարձության ավարտից հետո ամեն ինչ կգնա դրական ուղղությամբ։ Մենք վստահ ենք, որ Վրաստանի և Ամերիկայի Միացյալ Նահանգների, ինչպես նաև Վրաստանի և Եվրամիության միջև հարաբերությունները որակապես ծանրաբեռնված կլինեն»,- ասել է Իրակլի Կոբախիձեն։
Վարչապետը պատասխանել է նաև այն հարցին, թե արդյո՞ք վտանգ է սպառնում Եվրամիության հետ առանց վիզայի ռեժիմին։
«Այս ամենը բացարձակապես անլուրջ է։ Ամեն ինչ գնալու է դեպի հարաբերությունների որակական զարգացում, ինչը մեզ համար կարևոր է։ Եվրամիությանն ինտեգրումը Վրաստանի գլխավոր արտաքին քաղաքական առաջնահերթությունն է, և մենք ամեն ինչ կանենք այդ խնդիրը կատարելու համար։ Դրա համար մենք չորս տարվա ընթացքում կկատարենք Ասոցացման համաձայնագրով և ազատ առևտրի համաձայնագրով նախատեսված պարտավորությունների ավելի քան 90 տոկոսը։ Սա մեր պատասխանատվությունն է հասարակության առաջ»,- ասել է Իրակլի Կոբախիձեն։
