22.12.2024 | 13:36
Այսօր երեկոյան հնարավոր է թույլ ձյուն
Ալիևն ԱՄՆ կոնգրեսականների հետ հանդիպմանը դժգոհել է ՀՀ Սահմանադրությունից
Քաղաքականություն
17.11.2024 | 17:39
Խաղաղության պայմանագրի ստորագրման համար կարևոր է վերջ դնել Հայաստանի Սահմանադրությունում արտացոլված Ադրբեջանի հանդեպ տարածքային պահանջներին։ Այս մասին այսօր հերթական անգամ հայտարարել է Ադրբեջանի նախագահ Իլհամ Ալիևն ԱՄՆ Կոնգրեսի Ներկայացուցիչների պալատի անդամ Ավգուստ Պֆլյուգերի գլխավորած պատվիրակության հետ հանդիպման ժամանակ։
«Այժմ Ադրբեջանը վերականգնել է իր տարածքային ամբողջականությունն ու ինքնիշխանությունը, և այս հակամարտությունը Ադրբեջանի համար արդեն անցյալում է։ Հայաստանի վարած ռազմականացման և սպառազինությունների մրցավազքի քաղաքականությունը սպառնալիք է տարածաշրջանային խաղաղությանն ու անվտանգությանը։ Խաղաղության պայմանագրի ստորագրման համար կարևոր է վերջ դնել Հայաստանի Սահմանադրությունում արտացոլված Ադրբեջանի հանդեպ տարածքային պահանջներին»,- ասել է Ալիևը՝ հայտարարելով, որ Հայաստանը չի կարող սահմանադրական մակարդակում տարածքային պահանջներ ունենալ Ադրբեջանի հանդեպ։
