30.08.2026 | 17:06
«Զվարթնոց» միջազգային օդանավակայանի տարածքում փորձարկվելու են էլեկտրաշչակներ․ ՆԳՆ ՓԾ
Կաննի կինոփառատոնը կորոնավիրուսի պատճառով չեղարկվել է․ Deutsche Welle
Մշակույթ
11.05.2020 | 22:22
Կաննի 73-րդ կինոփառատոնը, կորոնավիրուսի պանդեմիայի պատճառով, չեղարկվել է։ Այն չի կայանա անգամ վիրտուալ տարբերակով։ Փառատոնի ծրագրային ֆիլմերը հնարավոր կլինի դիտել աշնանային կինոփառատոներին։ Այս մասին հայտնում է Deutsche Welle-ն՝ հղում տալով Variety ամսագրին։
Աղբյուրի փոխանցմամբ՝ կինոփառատոնի ներկայացուցիչը նշել է, որ հունիսի սկզբին կազմակերպիչները կտեղեկացնեն փառատոնի ծրագրային ֆիլմերի հետագա ճակատագրի մասին: Ըստ Կաննի կինոփառատոնի ներկայացուցչի, կազմակերպիչներն ընտրել են ծրագրային ֆիլմերն աշնանային փառատոների (այդ թվում ՝ Վենետիկի կինոփառատոնի) միջև վերաբաշխելու ռազմավարությունը։
Ֆիլմերի մի մասն էլ ցուցադրվելու է կինոթատրոներում:
Հիշեցնենք, որ, ի սկզբանե, Կաննի կինոփառատոնը նախատեսված էր անցկացնել մայիսի 12-23-ը։ Մարտին կազմակերպիչները հայտնել էին այն հետաձգելու և հունիսին անցկացնելու որոշման մասին, սակայն Ֆրանսիայում արտակարգ դրության երկարաձգման հետևանքով փառատոնը վերջնականապես չեղարկվեց։
Նելլի Մելքոնյան
