18.05.2024 | 20:00
Ճանապարհից հետ է ընկել․ օրեր անց փրկարարները գտել են սպանված. ՏԵՍԱՆՅՈՒԹ
Թեժ գիշեր. ԱԺ հանձնաժողովի նիստը նման էր արագացված դատավարության. «Ժամանակ»
11.11.2017 | 09:56
«Ժամանակ» թերթը գրում է.
«ԱԺ պաշտպանության և անվտանգության մշտական հանձնաժողովը երեկ երեկոյան կայացած արտահերթ նիստում հավանություն է տվել «Զինվորական ծառայության և զինծառայողի կարգավիճակի մասին» ՀՀ օրենքի նախագիծը ԱԺ-ում երկրորդ ընթերցմամբ քննարկելու որոշմանը:
Նշենք, որ նիստը պետք է կայանար ժամը 18:00-ին, սակայն քվորումի բացակայության պատճառով ձախողվել էր։ Սակայն գիշերը՝ ժամը 21.00-ին խիստ անսպասելի տեղի ունեցավ հանձնաժողովի արտահերթ նիստ: Քվորումի ապահովման համար բերման էին ենթարկվել ՀՀԿ-ական բացակա պատգամավորները:
Չնայած «Ելք»-ից Սասուն Միքայելյանը բացակայում էր նիստին, սակայն անհրաժեշտ չորս հոգին ապահովված էր: Ենթադրվում է, որ ՀՀԿ-ականների բոյկոտը խիստ զայրացրել է նախագահականին և այնտեղից խստիվ կարգադրել են գիշերային նիստ անել ու դրական եզրակացություն տալ նախագծին, ինչը և տեղի ունեցավ:
Հանձնաժողովը առանց «Ելք» խմբակցության պատգամավորների ներկայության՝ մերժեց այս խմբակցության ներկայացրած բոլոր առաջարկությունները:
Հանձնաժողովի նիստը հիշեցնում էր արագացված դատավարություն. պատգամավորները գրեթե հարցեր չունեին, ելույթներ չեղան, և միայն նիստը նախագահող Ալիկ Սարգսյանն էր, որ հայտարարեց՝ նախագիծը խիստ արդիական է, հնարավորություն է ստեղծում իսկապես զբաղվելու գիտությամբ: Իշխանությունը ներկայացնող չորս պատգամավորները միաձայն կողմ քվեարկեցին նախագծին»:
Մանրամասները՝ թերթի այսօրվա համարում:
