06.05.2024 | 21:23
COVID-19-ով վարակված 4 հիվանդից 3-ը բուժվել է ավելորդ հակաբիոտիկներով․ ԱՀԿ
Ալեքսանդր Եսայանը պատասխանում է Գուրգեն Խաչատրյանին
Հասարակություն
28.04.2020 | 18:49
«Յուքոմ» ընկերության տնօրենների խորհրդի նախագահ Գուրգեն Խաչատրյանի կողմից տարածված հայտարարությանն արձագանքել է նաև «Յուքոմ»-ի սեփականատերերից Ալեքսանդր Եսայանը:
Նա հայտարարություն է տարածել, որում ասվում է.
«Ինպես ես և եղբայրս բազմիցս նշել ենք ելույթներում և հայտարարություններում, Ucom ընկերության բաժնետերերի, մասնավորապես մեր և Խաչատրյան եղբայրների, միջև ծագել է բացառապես բիզնեսի զարգացման վերաբերյալ անհամաձայնությունների պատճառով: Կառավարման պաշտոնից հրաժարվելը քայլ էր, որը կատարվեց այն ժամանակ, երբ պարզ դարձավ Խաչատրյանների ետնաբեմային պայմանավորվածությունների մասին: Ապրիլի 20-ին, երբ նոր տնօրենի պաշտոնը ստանձնեց Ա. Խաչատրյանը, մենք գրանցել ենք նոր կազմակերպություն, որն այժմ արդեն ստրատեգիական պլանավորման փուլում է: Չեմ կարող հասկանալ Գ. Խաչատրյանի ելույթի «հասարակական ճնշում» եզրույթը և կրկին հաստատում եմ, որ մենք միայն շարժվել ենք բիզնես տրամաբանությամբ, բանակցել ձեռքբերման գնի շուրջ, բացատրել դրա ձևավորման բիզնես տրամաբանությունը, և առաջարկել մոտ 180 մլն ԱՄՆ դոլարին համարժեք գումար կազմակերպության մոտ 94% բաժնետոմսերի համար: Մեր բանակցությունները և բիզնես պայմանավորվածությունները երբեք կապված չեն եղել պետության և Խաչատրյան ընտանիքի միջև ծագած խնդիրների հետ: Վստահեցնում ենք, որ նոր հիմնադրված կազմակերպությունը կբարձրացնի Հայաստանում և տարածաշրջանում հեռահաղորդակցության և թվային ծառայությունների որակի ընկալումը և կդառնա առաջատար հայկական կազմակերպություն»:
Հիշեցնենք, որ այսօր Գուրգեն Խաչատրյանը հայտարարություն էր տարծել և նշել, որ բարձրաստիճան պաշտոնյաների մասով ճնշումներ են եղել, որ հրաժարվեն «Յուքոմ» ընկերությունից:
Թեմայի առնչությամբ կարդացեք նաև՝
«ՕԼՆԵԹ». Ucom-ի նախկին տնօրենը հեռահաղորդակցության ոլորտի նոր ընկերություն է հիմնել
Մենք դիմումը հետ ենք վերցնում, Արա Խաչատրյանը թող գրանցվի, հանգստանա. Հայկ Եսայան
Նոր գլխավոր տնօրենը թիմի հետ համատեղ կապահովի բիզնեսի շարունակականությունը. «Յուքոմ»
