10.08.2026 | 23:10
Գևորգ Պապոյանը կմեկնի Ղազախստան՝ ԵԱՏՄ ագրոարդյունաբերական քաղաքականության խորհրդի նիստին մասնակցելու
Շիրակի մարզում կորոնավիրուսով 13 հիվանդ կա. վարակվածներից մեկը բժիշկ է. Տիգրան Պետրոսյան
09.04.2020 | 20:01
Շիրակի մարզում կորոնավիրուսով 13 հիվանդ կա, որոնցից մեկը Գյումրու ինֆեկցիոն հիվանդանոցի բժիշկներից է։ Լրագրողների հետ զրույցում այս մասին տեղեկացրեց Շիրակի մարզպետ Տիգրան Պետրոսյանը:
«Մի բժիշկ ունենք վարակված, դեպքը երեկ է հաստատվել։ Ճիշտ է, նա չի աշխատել հիվանդանոցի տուբերկուլյոզային բլոկում, որտեղ բուժում են ստանում վարակակիրները, բայց, մեծ հավանականությամբ, շփում է ունեցել այնպիսի մարդու հետ, որը մինչև թեստավորում անցնելը բուժօգնության կարիք է ունեցել: Հիմա մեկուսացվել է նրանց շփման շրջանակը»,- մարզպետը:
Նրա խոսքով՝ հիվանդացության դեպքերն արձանագրվել են Գյումրի ու Անի համայնքներում։ Այս ընթացքում էլ գրանցվել է մահվան մեկ դեպք՝ խոսքը Մարալիկի բնակչի մասին է, մի հիվանդ էլ արդեն առողջացել և դուրս է գրվել հիվանդանոցից։ Մոտակա օրերին սպասվում է, որ դուրս գրվողների թիվը կավելանա։
Մեկուսացվածների հստակ թիվ, ըստ մարզպետի, չկա, քանի որ այն պարբերաբար փոփոխվում է։
«Վարակակիրների շփման շրջանակի բացահայտման գործողություններ են իրականացվում։ Այս փուլում շատ կարևոր է օջախների տեղայնացումը, ամբողջ խնդիրը ռիսկի շղթան նվազեցնելն է»,- ասաց Տիգրան Պետրոսյանը։
Էմմա Չոբանյան
