13.10.2026 | 16:16
Զինված ուժերում կանայք դեռևս քիչ են ներկայացված որոշումների կայացման մակարդակում․ ՄԻՊ
Թուրք-քրդական բախում Թոնդրակ լեռան մոտ
Քաղաքականություն
07.11.2017 | 14:04
Նոյեմբերի 6-ին երեկոյան Թուրքիայի Դողուբայազեդ (Բայազետ) և Վան նահանգների միջև գտնվող Թոնդրակ լեռան մոտ թուրք-քրդական բախում է տեղի ունեցել:
Թուրքական «Milligazetesi» թերթի կայքը, հղում անելով «Haberturk» լրատվամիջոցին, նշում է, որ «Քուրդիստանի բանվորական կուսակցության» (ՔԲԿ-PKK) զինյալները հարձակվել են Թոնդրակի մոտ գտնվող թուրքական ռազմաբազայի վրա. փոխանցում է ermenihaber-ը:
Բախման հետևանքով սպանվել է 1 թուրք ոստիկան (ավագ լեյտենանտ) Եվս երկու հոգի վիրավորվել են:
Քուրդ զինյալներին հայտնաբերելու և վնասազերծելու նպատակով օպերացիա է սկսվել, որի ժամանակ գործի է դրվել նաև օդուժ:
Հիշեցնենք, որ PKK-ն Թուրքիայում համարվում է ահաբեկչական կազմակերպություն: Վերջինիս դեմ ռազմական գործողությունները ընթանում են, թե՛երկրի ներսում, թե՛ երկրի սահմաններից դուրս՝ մասնավորապես Հյուսիսային Իրաքում, որտեղ էլ գտնվում է PKK-ի գլխավոր ռազմաճամբարը՝ Քանդիլը:
