04.11.2026 | 15:05
ՀԱՊԿ-ը կարող է Հայաստանին զրկել ձայնի իրավունքից, բայց հեռացնելու հարց չի քննարկվում
Ադրբեջանում հիջաբի արգելքի դեմ բողոքի ցույցերի շրջանակում ավելի քան 200 մարդ է ձերբակալվել
Քաղաքականություն
13.10.2026 | 14:00
Բաքվի մետրոյի «Մայիսի 28» կայարանի մոտակայքում հասարակական կարգը խախտելու փորձ կատարած անձինք են ձերբակալվել։ Ադրբեջանական իշխանական լրատվամիջոցները հայտնում են, որ միջադեպը տեղի է ունեցել միասնական դպրոցական համազգեստի ներդրման որոշման դեմ բողոքի ակցիա անցկացնելու փորձի ժամանակ։
Նախնական տվյալներով՝ տարածքում հերթապահող ոստիկանները կանխել են «հասարակական կարգի խախտումը» և բերման ենթարկել մի խումբ մարդկանց։ Ձերբակալվածների թիվը գերազանցել է 200-ը։
Նախօրեին Ադրբեջանի ՆԳՆ-ն հայտնել էր 37 մարդու ձերբակալման մասին՝ դպրոցներում հիջաբ կրելու արգելքի դեմ բողոքի ցույցերի ֆոնին։
Բաքվում և Ադրբեջանի մի շարք այլ քաղաքներում հիջաբ կրող աշակերտներին և ուսուցիչներին, նոր կանոնակարգի համաձայն, թույլ չէին տվել մասնակցել դասերին: Ծնողներն ու աշակերտները դուրս էին եկել դպրոցների առջև բողոքի ակցիաների։
Ադրբեջանի կառավարությունը սեպտեմբերի 21-ի որոշում է ընդունել պետական հանրակրթական հաստատությունների սովորողների հագուստին ներկայացվող պահանջներում փոփոխությունների կատարման վերաբերյալ։ Այժմ չի թույլատրվում հագուստի այլ տարրերի օգտագործումը, որոնք խախտում են սովորողների համար սահմանված համազգեստի միասնականությունը, ինչպես նաև չեն համապատասխանում հանրակրթության աշխարհիկության սկզբունքին։ Հիջաբ բառը որոշման չի նշվում, սակայն կրոնական գործիչներն այն մեկնաբանում են որպես գլխաշորերի արգելք։ Բացի այդ՝ հիջաբ կրող ուսուցիչներին էլ արգելվում է դասավանդել։
Թարգմանությունը՝ Էմմա Չոբանյանի
