13.10.2026 | 17:17
Բաքվում դպրոցի հրկիզման փորձի կասկածանքով 6 մարդ է ձերբակալվել
ՔՊ-ական մոտեցում է, գործադիրում աշխատավարձերի բարձրացումների շքերթի շարունակությունն է․ Սուքիասյան․ ՏԵՍԱՆՅՈՒԹ
Քաղաքականություն
13.10.2026 | 15:32
Երևանի քաղաքապետ Տիգրան Ավինյանի, նրա տեղակալների, քաղաքապետարանի բարձր օղակների աշխատակիցների և վարչական շրջանների ղեկավարների աշխատավարձերի բարձրացումը ընդդիմությունը չի ողջունում։ «Մայր Հայաստան» խմբակցության ղեկավար Մանուկ Սուքիասյանի խոսքով՝ սա իշխանության եկամուտներն ավելացնելու և քաղաքացիների կյանքը թանկացնելու քաղաքականության շարունակությունն է։
«Մենք սա համարում ենք Ազգային ժողովում, Կառավարությունում բարձրացումների շքերթի քաղաքապետարանյան շարունակությունը, այնպես որ՝ միջին վիճակագրական ՔՊ-ական մոտեցում է՝ մարդկանց կյանքը թանկացնել, ծառայությունները թանկացնել, իրենց եկամուտներն ավելացնել»,- նշեց նա։
Սուքիասյանի պնդմամբ՝ ՔՊ-ի իշխանության գալուց հետո թանկացել են տրանսպորտը, կարմիր գծերի վճարները, գույքահարկն ու տեղական վճարները։ Միաժամանակ, նրա գնահատմամբ, Երևանը շարունակում է բախվել խցանումների և էկոլոգիական խնդիրների։
«Քաղաքացու գրպանն են մտել, բյուջեն ավելացրել են, բայց քաղաքի խնդիրները չեն պակասել, իրենց եկամուտներն ավելացել են։ Հիմա դրա լավը ո՞րն է»,- հարցրեց ավագանու ընդդիմադիր անդամը։
Մանրամասները՝ տեսանյութում։
Արփի Հակոբյան
