15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Մեյմանդարի շուկայում 15 հոգու թույլ չի տրվել սննդամթերք վաճառել. ՍԱՏՄ ղեկավար. ՏԵՍԱՆՅՈՒԹ
Հասարակություն
07.04.2020 | 16:21
Սննդի անվտանգության տեսչական մարմինը մարտի 13-ից ապրիլի 6-ն ընկած ժամանակահատվածում իրականացրել է կորոնավիրուսի տարածման կանխարգելման աշխատանքներ։ Այս մասին այսօր մամուլի ասուլիսի ժամանակ հայտնեց ՍԱՏՄ ղեկավար Գեորգի Ավետիսյանը։
«Մեր տեսուչներն այս ընթացքում այցելել են Երևան քաղաքի մոտ 500, իսկ մարզերում՝ մոտ 3.600 սննդամթերքի իրացման կազմակերպություններ և արտադրություններ, մինչև հանրային սննդի դադարեցումը՝ նաև հանրային սննդի օբյեկտներ։ Մարտի 25-ին տեսչական մարմնի Արմավիրի մարզային կենտրոնի մասնագետները շրջայց են իրականացրել, այսպես կոչված, Մեյմանդարրի շուկայում: Շրջայցի ընթացքում դիմակներ, ձեռնոցներ չունեցող թվով 15 անձանց չի թույլատրվել իրականացրել սննդամթերքի վաճառք, պաշտպանիչ միջոցներ չունեցող անձանց չի թույլատրվել մուտք գործել շուկա։ Հաջորդ օրն արդեն կրկնակի այցելության ժամանակ տեսուչների վերահսկողությամբ շուկայի ամբողջ տարածքում իրականացվել են ախտահանման աշխատանքներ, արձանագրվել է, որ սննդամթերք վաճառողներն ու շուկայի աշխատակիցները ապահովված են անհատական պաշտպանիչ միջոցներով, դիմակ ձեռնոց և այլն»,- նշեց նա։
Մանրամասները՝ տեսանյութում:
