12.10.2026 | 22:36
Քննարկվել են Հայաստանի Կարմիր խաչի և Իրանի Կարմիր մահիկի ընկերությունների միջև համագործակցության խորացման հարցեր
Դոնալդ Թրամփը որոշել է աշխատանքից հեռացնել իր իմպիչմենթը քննող տեսուչին․ Reuters
Քաղաքականություն
04.04.2020 | 17:59
ԱՄՆ նախագահ Դոնալդ Թրամփը որոշել է աշխատանքից հեռացնել ԱՄՆ հետախուզական ծառայությունների գլխավոր տեսուչ Մայքլ Ատկինսոնին, որը քննում էր իր իմպիչմենթի պատճառ դարձած բողոքը։ ԱՄՆ նախագահը Կոնգրեսին ուղարկել է նամակ, որտեղ հայտնում է իր որոշման մասին․ հաղորդում է Reuters-ը։
«Ծայրահեղ անհրաժեշտություն է, որ ես լիովին վստահեմ այն անձանց, որոնք կատարում են գլխավոր տեսուչների պարտականությունները: Այս գլխավոր տեսուչի հետ կապված իրավիճակն այլևս այդպիսին չէ»,- ասել է Թրամփը։
Հիշեցնենք, որ Դոնալդ Թրամփի իմփիչմենթի գործընթացը մեկնարկել էր 2019-ի սեպտեմբերին։ Այն առնչվում էր նրա և Ուկրաինայի նախագահ Վլադիմիր Զելենսկու միջև հուլիսին կայացած հեռախոսազրույցին:
Անանուն աղբյուրն Ամերիկյան հատուկ ծառայություններին տեղեկացրել էր, որ Թրամփը հեռախոսազրույցի ընթացքում ճնշել է Զելենսկուն՝ հորդորելով հետաքննություն սկսել ԱՄՆ նախկին փոխնախագահ Ջոզեֆ Բայդենի և նրա որդու դեմ՝ Ուկրաինայի տարածքում ծավալած բիզնես գործունեության համար: Հետագայում ձայների 53-ը 47-ի հարաբերակցությամբ Թրամփն իմպիչմենթի չենթարկվեց։ Նա ԱՄՆ պատմության մեջ նա երրորդ նախագահն էր, որին Կոնգրեսի ստորին պալատը՝ Ներկայացուցիչների պալատը, իմփիչմենթի էր ենթարկում։
Նելլի Մելքոնյան
