16.12.2025 | 14:07
Քննարկում չկա. Ռուբինյանը` նոր երկաթգիծը ՌԴ-ի կողմից շահագործելու մասին․ ՏԵՍԱՆՅՈՒԹ
Ջերմող երկու դպրոցականների թեստերի պատասխանը բացասական է․ Արմավիրի մարզպետ
16.03.2020 | 10:38
«Ջերմող երկու դպրոցականների թեստերի պատասխանը բացասական է եղել»,- այս մասին հայտնում է Արմավիրի մարզպետ Համբարձում Մաթևոսյանը։
Հիշեցնենք, որ Էջմիածնում գրանցվել էր կորոնավիրուսով դպրոցահասակ երեխայի վարակվելու դեպք։ Նա Էջմիածնի Խաչատուր Աբովյանի անվան N 4 հիմնական դպրոցի աշակերտ է և մասնակցել էր հայտնի նշանդրեքին: Երեխան հոսպիտալացված է, իսկ դասընկերներն ու ուսուցիչները մեկուսացված են։
Ըստ Առողջապահության նախարարի՝ այս պահին Հայաստանում գրանցվել է կորոնավիրուսով վարակվելու 30 դեպք։ Այսօր կառավարությունում խորհրդակցություն կհրավիրվի՝ որոշում կայացնելու, արդյոք կարիք կա՞ կորոնովիրուսով պայմանավորված՝ Հայաստանում արտակարգ դրություն մտցնել, թե՝ ոչ։
Վարչապետն այսօր տեղեկացրել է, որ կորոնավիրուսով վարակման դեպք է արձանագրվել Երևանի արտադրական ձեռնարկություններից մեկում։ Այս պահին Էջմիածնից դուրս եկող ընդամենը երեք ճանապարհ է բաց։ Հերթապահում են ոստիկանական խմբեր և բուժաշխատողներ։ Քաղաքից դուրս եկող քաղաքացիները ջերմաչափվում են և եթե ունեն ջերմություն, կինքնամեկուսացվեն։
Մարզպետ Համբարձում Մաթևոսյանը տեղեկացնում է նաև, որ անցակետերում գործընթացն առավել արագ կազմակերպելու համար շուտով կավելացվի սարքավորումների թիվը:
Ռոբերտ Անանյան
