30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
Արտանիշ թերակղզում առաջին անգամ շարունակական պեղումներ են իրականացվում
Հասարակություն
11.03.2020 | 14:34
«Սևանի հյուսիսում գտնվող Արտանիշ թերակղզում շարունակական պեղումներ առաջին անգամ են իրականացվում։ Երկրաբանների հետ իրականացրել ենք երկրաքիմիական հետազոտություններ՝ պարզելու համար, թե հողի մեջ բնականից դուրս ինչ այլ էլեմենտներ կան։ Հետազոտությունները կատարել ենք առանց պեղելու։ Հայկական հնագիտության մեջ դա նորություն է»,- այս մասին այսօր լրագրողների հետ հանդիպմանը նշեց Արտանիշի պեղումների մասնակից, հնագետ Մարիամ Ամիրյանը։
«Մեթոդը փորձարկելու համար ընտրել ենք երկու դամբարանադաշտ, որոնք գտնվում են իրարից տարբեր տեղերում․ Արտանիշ 23 և Արտանիշ 29։ Ամենահետաքրքիր նյութերը պեղվել են Արտանիշ 29-ից, որը թվագրվում է ք.ա 8-6-րդ դարեր»,- ասաց նա։
Հնամարդաբան Հասմիկ Սիմոնյանի խոսքով էլ՝ հետազոտությունները սկսվել են դեռ 2019 թվականից, և արդեն 14 ամբողջական գանգ են հավաքել։ Դրանցից երեքը մանկական են։
«Այս տարի ընդլայնելու ենք կազմը, մեզ միանալու են նաև մեր գերմանացի գործընկերները, երկրաքիմիկոսներ, երկրաֆիզիկոսներ, հնագետներ։ Պեղելու ենք նաև բնակատեղիներ, որպեսզի տեսնենք դամբարանի և բնակատեղիի հարաբերակցությունը։ Կարծում եմ՝ ավելի հետաքրքիր պատկեր կունենանք»,- եզրափակեց նա։
