30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ես անհանգստացած եմ Գևորգ Կոստանյանի հոգեկան վիճակով. Անդրանիկ Քոչարյան. ՏԵՍԱՆՅՈՒԹ
Քաղաքականություն
04.02.2020 | 17:00
Գևորգ Կոստանյանը չգիտի՞, որ իրավունք չունի պայման դնելու: Factor.am-ի հետ զրույցում նման կարծիք հայտնեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով նախկին գլխավոր դատախազ Գևորգ Կոստանյանի հայտարարությանը, որ պատրաստ է գալ Հայաստան, սակայն պայմանով, որ իր, վարչապետի, իրավապահների, դեսպանությունների մասնակցությամբ կազմակերպվի քննարկում, որտեղ ինքը կխոսի փաստերով։
«Գևորգ Կոստանյանի ասածը ոչ միայն անհեթեթ է, այլ նաև անտրամաբանական: Հարիր չէ նախկինում նման պաշտոն զբաղեցրած մարդու պարագայում, խայտառակություն է: Նա պետք է առնի Մոսկվա-Երևան տոմսը և ներկայանա նախաքննական մարմիններին: Մեր օրենսդրությունն այլ ձև չի ենթադրում: Այն, ինչ առաջարկում է ինքը, շոու է: Ես անհանգստացած եմ Գևորգ Կոստանյանի հոգեկան վիճակով»,- ասաց Անդրանիկ Քոչարյանը:
Անդրանիկ Քոչարյանի խոսքով՝ Գևորգ Կոստանյանի մասնակցությունը Մարտի 1-ի դեպքերին տեսանելի է եղել Փաստահավաք խմբի աշխատանքների ժամանակ, և հիմա նախաքննական մարմինն անհերքելի ապացույցներ ունի, որի համար նրան մեղադրանք է առաջադրել:
Պատգամավորի խոսքով՝ եթե չգա, պրոբլեմն իրենն է, «իր հոգեկան վիճակը կարող է տանել այլ ուղղությամբ»:
Հարցազրույցն ամբողջությամբ՝ տեսանյութում:
Նարեկ Կիրակոսյան
