20.01.2026 | 22:10
Հայաստանը խնդրել է Ադրբեջանի տարածքով բեռների տարանցումը Ռուսաստան. Ալիև
ԱՄՆ-ն սպառնացել է ոչնչացնել նաև «Ղուդս»-ի նոր հրամանատարին
Քաղաքականություն
23.01.2020 | 21:26
Իրանի հարցով ԱՄՆ հատուկ ներկայացուցիչ Բրայան Հուքը հայտարարել է, որ Վաշինգտոնը կոչնչացնի նաև Իսլամական հեղափոխության պահապանների կորպուսի «Ղուդս» ստորաբաժանման նոր հրամանատար Իսմայիլ Քաանիին, եթե նա սպանի ամերիկացիներին: Gazeta-ի փոխանցմամբ՝ այս մասին նա ասել է Asharq Al-Aesat պարբերականին տված հարցազրույցում:
«Եթե Քաանին շարունակի սպանել ամերիկացիներին, նրան նույն ճակատագիրն է սպասում»,- հայտարարել է Հուքը:
Նա նշել է, որ ԱՄՆ նախագահ Դոնալդ Թրամփը հրամայել է ոչնչացնել «Ղուդս»-ի նախկին հրամանատար Ղասեմ Սոլեյմանիին այն բանից հետո, երբ Իրանը սպանեց ամերիկացի զինվորականներին:
Բրայան Հուքը նաև հավելել է, որ ԱՄՆ-ն կշարունակի սատարել իրանցի ժողովրդին, որը տառապում է Իսլամական Հանրապետությունում գոյություն ունեցող ռեժիմի պատճառով:
«Ղուդս»-ի հրամանատար Ղասեմ Սոլեյմանին, հիշեցնենք, սպանվեց հունվարի 3-ին Բաղդադում ԱՄՆ ռազմաօդային ուժերի հրթիռային հարվածի հետևանքով:
