04.11.2026 | 09:46
4 մեքենայի բախման հետևանքով 9 մարդ է զոհվել, 3-ը՝ վիրավորվել
Սաուդյան Արաբիան չի բացառում միջուկային զենքի մշակման հնարավորությունը․ ԱՄՆ հետախուզություն
Քաղաքականություն
26.09.2026 | 15:55
ԱՄՆ հետախուզական համայնքը գնահատում է, որ Սաուդյան Արաբիան չի բացառում միջուկային զենքի մշակման ծրագիր սկսելու հնարավորությունը։ «Արմենպրես»-ի հաղորդմամբ՝ The Washington Post-ը հայտնում է, որ այս գնահատականը ներառված է ԱՄՆ Կոնգրեսին ներկայացված գաղտնի փաստաթղթերում։ Պարբերականի աղբյուրները ԱՄՆ պաշտոնյաներ են, որոնք խոսել են անանունության պայմանով։
Գնահատականը Կոնգրեսին է ներկայացվել ԱՄՆ-ի և Սաուդյան Արաբիայի միջև քաղաքացիական միջուկային համագործակցության համաձայնագրի ուսումնասիրման շրջանակում։ Հուլիսին ստորագրված համաձայնագիրը ամերիկյան ընկերություններին թույլ է տալիս Սաուդյան Արաբիայում տասնյակ միլիարդավոր դոլարների միջուկային էներգետիկ նախագծեր իրականացնել։
Համաձայնագրով ուրանի հարստացման մակարդակը սկզբում սահմանափակվում է 5 տոկոսից ցածր ցուցանիշով։ Սակայն լրացուցիչ ուսումնասիրությունից և գրավոր համաձայնությունից հետո այն կարող է բարձրացվել մինչև 20 տոկոս։ Այդ մակարդակը դեռևս զենքի համար անհրաժեշտ հարստացման աստիճան չէ, սակայն դրանից զենքային մակարդակի հասնելը զգալիորեն ավելի արագ է։
