19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
27.09.2026 | 22:23
Շախմատի տղամարդկանց ու կանանց Հայաստանի հավաքականներն Ուզբեկստանի Սամարղանդ քաղաքում կայացած 46-րդ Համաշխարհային օլիմպիադայում զբաղեցրել են 6-րդ տեղերը, իսկ A խմբի հատուկ հաշվարկում երրորդն էին ու նվաճել են բրոնզե մեդալներ, հաղորդում է ՀՇՖ մամուլի ծառայությունը:
Տղամարդկանց Հայաստանի հավաքականը ներկայացնում էին գրոսմայստերներ Հայկ Մարտիրոսյանը, Ռոբերտ Հովհաննիսյանը, Շանթ Սարգսյանը, Գաբրիել Սարգսյանը և Մանուէլ Պետրոսյանը: Հավաքականի մարզիչն է Արման Փաշիկյանը:
Կանանց Հայաստանի հավաքականի կազմում հանդես եկան միջազգային վարպետ Լիլիթ Մկրտչյանը, կանանց գրոսմայստեր Մարիամ Մկրտչյանը, գրոսմայստեր Էլինա Դանիելյանը, կանանց միջազգային վարպետ Սուսաննա Գաբոյանը և Անահիտ Մկրտչյանը: Հավաքականի մարզիչն է Զավեն Անդրիասյանը:
Հայ շախմատիստներն արժանացել են նաև անհատական մեդալների։
Մարիամ Մկրտչյանը 11 հնարավորից վաստակել է 9 միավոր և երկրորդ խաղատախտակի վրա նվաճել արծաթե մեդալ։
Շանթ Սարգսյանը 11 հնարավորից հավաքել է 8 միավոր և բրոնզե մեդալակիր դարձել երրորդ խաղատախտակի վրա:
