02.10.2026 | 20:31
Ադրբեջանը կիբերբանակ է ստեղծում
Եթե վաղը քվեարկությունը տապալվեց, քաղաքական մեծ խնդիր եք ունենալու․ Էդմոն Մարուքյան. ՏԵՍԱՆՅՈՒԹ
Քաղաքականություն
21.01.2020 | 16:55
«Ես պաշտոնապես դիմում եմ տիկին Մակունցին՝ որպես քաղաքական մեծամասնության ղեկավար, և հույս ունեմ՝ վարչապետն էլ է տեղյակ, թե ինչ եք ուզում վաղն առավոտն անել, և ԱԺ նախագահությանը, որ եթե վաղը դուք տապալեք քվեարկությամբ այս հանձնաժողովի անդամների կազմը հաստատելու մասին որոշումը, ապա այն կլինի մեծ հարված Հայաստանում պառլամենտական ժողովրդավարությանը»,- ասաց «Լուսավոր Հայաստան» խմբակցության ղեկավար Էդմոն Մարուքյանը։
Նա նկատեց, որ եթե վաղը քվեարկությունը տապալվեց, քաղաքական մեծ խնդիր են ունենալու։
Հիշեցնենք, որ Ազգային ժողովում կստեղծվի Երևանի քաղաքապետարանին արված նվիրատվությունների քննիչ հանձնաժողով: Եվ ԱԺ-ն քննարկում է 2018 թվականի սեպտեմբերից սկսած տարբեր սուբյեկտների կողմից Երևան համայնքին տրանսպորտային միջոցների և այլ գույքի փոխանցման, ծառայությունների մատուցման պայմանագրերի, ինչպես նաև Երևան համայնքի կողմից դրանց հետ կապված այլ անշարժ կամ շարժական գույքի փոխանցման, այդ թվում` գույքային, ինչպես նաև ոչ գույքային իրավունքների, շինարարության թույլտվությունների, արտոնությունների տրամադրման իրավաչափությունն ու կոռուպցիոն ռիսկերն ուսումնասիրելու նպատակով հանձնաժողովի անդամների թիվը սահմանելու մասին հարցը։
Մանրամասները՝ տեսանյութում։
Արմինե Ալոյան
