01.05.2026 | 13:15
Ռոնալդու․ Կարիերայիս ավարտը մոտենում է
104 տարեկանում կյանքից հեռացել է Հայոց ցեղասպանությունը վերապրած Եվգենյա Փափազյանը
17.01.2020 | 15:22
Հունվարի 14-ին Կանադայի Տորոնտո քաղաքում 104 տարեկանում կյանքից հեռացել է Հայոց ցեղասպանությունը վերապրած Եվգենյա Փափազյանը։ Այս մասին հայտնում է asbarez-ը։
Փափազյանը, որը շուտով 105 տարեկան կդառնար, ծնվել է Թուրքիայում՝ 1915 թվականին, Սամսունի Իոնիա թաղամասում։ Նա չի ճանաչել իր ծնողներին․ հորը բանակ են տարել 1915-ին, և նա այլևս չի վերադարձել, մայրն էլ մահացել է, երբ Եվգենիան նորածին էր:
Եվգենյան մեծ ընտանիք է ունեցել․ երկու քույր՝ Արուսյակը և Ազնիվը, երեք եղբայր, ինչպես նաև երեք մորաքույր և հորեղբայր, որոնց չի տեսել: 1915-ին տեղահանությունների սկզբում նրա բազմանդամ ընտանիքի անդամները հավաքվել են և ապաստան գտել լեռներում, այնուհետ իջել են ձոր, որտեղ էլ նա ծնվել է: Տեսնելով, թե որքան թույլ է նրա մայրը՝ շատերը խորհուրդ են տվել և գրեթե ստիպել կնոջը՝ Եվգենիային թողնել ճանապարհին՝ դժվարություններից խուսափելու համար, սակայն նրա մայրը չի համաձայնել: Գեղեցկության և ոսկեգույն մազերի համար փոքրիկին Ոսկի են անվանել։ Եվգենիայի ծնվելուց հետո ուժասպառ մայրը մահացել է: Մոր մահվանից հետո մայրական տատը երեք տարի շարունակ պայքարել է նրան խնամելու համար և ստիպված է եղել աղջկան մանկատուն հանձնել: Մի հայ զույգ Եվգենյա Փափազյանին տարել է Եգիպտոս, որտեղ էլ նա հետագայում հանդիպել է իր ամուսնուն՝ Կարապետ Քոքորյանին:
Փափազյանն ուներ հինգ երեխա, 9 թոռ, 14 ծոռ և 1 ծոռի երեխա:
