27.04.2026 | 12:46
Ինչո՞ւ է Հայաստանում հեղուկ գազի դեֆիցիտ․ մանրամասնում է տնտեսագետ Սուրեն Պարսյանը․ ՏԵՍԱՆՅՈՒԹ
Եղվարդի ծննդատան հետ կապված քննարկում ենք, ժամանակ կտրվի․ Արսեն Թորոսյան. ՏԵՍԱՆՅՈՒԹ
Տեսանյութեր
14.01.2020 | 17:40
Կոտայքի մարզպետի հետ խոսել եմ այստեղ գալուց առաջ և գիտեմ, թե ինքն ինչ է հայտարարել։ Այս մասին լրագրողների հետ հանդիպման ժամանակ ասաց առողջապահության նախարար Արսեն Թորոսյանը։
Հիշեցնենք, որ Կոտայքի մարզպետ Ռոմանոս Պետրոսյանն այսօր այցելել է Եղվարդ՝ հանդիպելու «Նաիրի» բժշկական կենտրոնի բուժանձնակազմի ու շահագրգիռ քաղաքացիների հետ։
Նա լրագրողների հետ զրույցում նշել էր, որ իր կարծիքով՝ Եղվարդի ծննդատունը չպետք է լուծարվի, ավելին՝ պետք է վերազինվի։
«Մենք հիմա քննարկում ենք՝ արդյոք արժի՞ «Նաիրի» ԲԿ-ին ևս ինչ-որ ժամանակով մորատորիումի նման ինչ-որ մի բան անենք, որ հասկանանք՝ իրենք, ի վերջո, 150-ի կձգտեն, կհասնե՞ն, թե՝ չէ։ Նմանատիպ բանակցություններ վարվում են նաև մյուսների հետ, որոնք որ ռեալ հնարավոր է, որ այդ մինիմալին հասնեն։ Մենք 10 ծնունդ ընդունողի հետ վստահաբար նման բանակցություն չենք կարող տանել»,- ասաց նախարարը։
Թորոսյանը, սակայն, նկատեց, որ միայն թվով չի կարող լինել, պետք է լինի պահանջ-պայմանների կատարում։ «Եթե չկա վիրահատարան, ինտենսիվ թերապիա ևայլն դրա մասին խոսք չի կարող լինել, ինչքան ճանապարհ էլ ուզում են փակել, դա սկզբունք է, որը մեր քաղաքացիների առողջության պահպանությանն է միտված»,- նկատեց Թորոսյանը։
Մանրամասները՝ տեսանյութում։
