17.11.2024 | 21:00
Ի՞նչ գույն ունի գինին անապատում. ապաքաղաքական զրույց Ավագ Հարությունյանի հետ. ՏԵՍԱՆՅՈՒԹ
ԱԳՆ հայտարարությունը՝ Բաղդադում տեղի ունեցած զարգացումների վերաբերյալ
Հասարակություն
03.01.2020 | 21:58
ՀՀ ԱԳՆ-ն հայտարարություն է տարածել Բաղդադում տեղի ունեցած զարգացումների վերաբերյալ։ Ինչպես տեղեկացնում են ԱԳՆ մամուլի ծառայությունից, հայտարարության մեջ, մասնավորապես, նշված է․
«Խորապես մտահոգված ենք վերջին շրջանում Բաղդադում տեղի ունեցած իրադարձություններով, որոնք հանգեցրել են նաև մարդկային զոհերի: Դրանք կարող են առավել վտանգել տարածաշրջանային խաղաղությունը և ապակայունացնել իրավիճակը Մերձավոր Արևելքում և դրանից դուրս: Հայաստանը հանդես է գալիս բացառապես խաղաղ միջոցներով իրադրության լիցքաթափման դիրքերից:
Հայաստանը կշարունակի սերտորեն համագործակցել իր բոլոր գործընկերների հետ՝ ի շահ տարածաշրջանային կայունության և անվտանգության»:
Հիշեցնենք՝ Պենտագոնը հաստատել էր, որ ուրբաթ հրթիռային հարված է հասցրել Բաղդադի օդանավակայանի շրջանում, ինչի հետևանքով սպանվել է «Իսլամական հեղափոխության պահակների կորպուսի» Քուդս» հատուկ ստորաբաժանման ղեկավար, գեներալ Կասեմ Սուլեյմանին։
