18.10.2026 | 19:05
Աշխարհը միջազգային հարաբերությունների նշանակալի փոփոխությունների փուլում է․ Միրզոյան․ ՏԵՍԱՆՅՈւԹ
ՄԱԿ-ը մտահոգ է Սիրիայում ռազմական գործողություններով
Քաղաքականություն
24.12.2019 | 22:54
ՄԱԿ-ի գլխավոր քարտուղար Անտոնիո Գուտերեշը կոչ է անում անհապաղ դադարեցնել մարտերը Սիրիայի հյուսիսարեւմուտքում, որտեղ կառավարական ուժերի կողմից սկսված գործողությունների արդյունքում անցած մեկ շաբաթվա ընթացքում այստեղից մի քանի տասնյակ հազար մարդ է հեռացել. գրում է amerikayidzayn.com-ը:
Գուտերեշի խոսնակն ասել է, թե ՄԱԿ-ի ղեկավարությունն անհանգստացած է «ռազմական գործողությունների ծավալով եւ տարհանման ուղիների վրա իրականացվող հաձակումներով, երբ այս ուղիներով իրենց տներից հեռանում են քաղաքացիական անձինք»։
Սիրիայի կառավարությունը փորձում է իր վերահսկողությունը հաստատել Իդլիբի գավառում, որը 2Օ11 թվականին սկսված քաղաքացիական պատերազմից հետո ապստամբ ուժերի վերահսկողության տակ մնացած վերջին շրջանն է։
Ռուսական ուժերի օդային գրոհների ներքո, սիրիական ուժերն անցյալ շաբաթվանից իրականացվող գործողությունների արդյունքում հետ են վերցրել մի շարք քաղաքներ ու մոտենում են ռազմավարական մեծ նշանակություն ունեցող Մաարեթ ալ Նուման քաղաքին։
