13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Քաղաքապետարանին մեքենաների նվիրաբերումը կոռուպցիա չէ՝ ըստ երևանցիների 43․4%-ի
Հասարակություն
24.12.2019 | 13:00
GALLUP international association-ի Հայաստանում լիիրավ անդամ Էմ Փի Ջի ՍՊԸ-ն այսօր ներկայացրեց հասարակական կարծիքը Երևանի քաղաքապետարանի աշխատանքի վերաբերյալ։
Հայտնի է, որ օրեր առաջ «Լույս» խմբակցության ավագանու անդամները խոսել էին կոռուպցիոն ռիսկերի մասին՝ ասելով, որ որոշ ընկերությունների շինթույլտվությունները տրվել են ծառայությունների կամ գույքի դիմաց։ Մասնավորապես՝ Սամվել Ալեքսանյանի հետ փոխկապակցված ընկերությունը քաղաքապետարանին նվիրել էր 3 մեքենա, իսկ ԱԱԾ Քննչական դեպարտամենտի պետի կնոջ անունով գրանցված ընկերությունը 14 մեքենա՝ շինթույլտվության դիմաց։ Հասարակական կարծիքի հետազոտության արդյունքները ներկայացրեց Էմ Փի Ջի ՍՊԸ-ի տնօրեն Արամ Նավասարդյանը։
Երևանցիներին հետազոտության շրջանակում այս հարցն է տրվել՝ «Ասացե՛ք խնդրեմ, Դուք այստեղ տեսնո՞ւմ եք կոռուպցիոն ռիսկեր»։ «Միանշանակ ոչ» պատասխանը տվել է 43․4%-ը, «ավելի շուտ ոչ»՝ 22․8%-ը, «ավելի շուտ այո» պատասխանը տվել է հարցվածենրի 9․2%-ը, «միանշանակ այո»՝ 7․5%-ը։ Դժվարացել է հարցին պատասխանել 17․1%-ը։
Նշենք, որ հարցումն անցկացվել է 601 քաղաքացու շրջանում։
