Իրաքի բանակը քրդերից ետ է վերցրել Քիրքուքը

Իրաքի բանակը, ինչպես նաև վերջինիս դաշնակից  շիական «Հաշդի Շաբի» խմբավորումը Քիրքուք նահանգը ետ են վերցրել քրդերից և այժմ նահանգը  իրենց վերհսկողության տակ են ապհում. փոխանցում է ermenihaber-ը:

Այդ մասին հատնում  է «CNNTurk»-ը՝ նշելով, որ Իրաքի բանակի վերահսկողության տակ են անցել  Քիրքուքի ռազմաբազան,  նավթահորերը, օդանավակայանը և այլ կարևոր կետեր:

Իրաքի վարչապետ Հայդար Իբադին հրահանգ է տվել իրաքցիներին ապահովել Քիրքուքի բնակչության անվտանգությունը, ինչպես նաև ավելորդ լարված իրավիճակ չստեղծել և համագործակցության գնալ իրաքյան Քուրդիստանի «Փեշմերգե» զորաջոկատների հետ:

Աղբյուրը տեղեկացնում է, որ այժմ Քիրքուքում Իրաքի իշխանությունների կողմից սահմանվել է պարետային ժամ:

Իրաքի վարչապետը արդեն նահանգապետ է նշանակել Քիրքուքում: Նորանշանակ նահանգապետ Րաքան Ջուբուրին մամուլի ասուլիսի ժամանակ ասել է, որ այժմ նահանգի անվտանգության պատասխանատվությունն ընկած է Իրաքի ոստիկանության վրա:

Թուրքական  «YeniÇağ» լրատվամիջոցն նշում է, որ քրդական զորաջոկատներն առանձնակի դիմադրություն ցույց չեն տվել Իրաքի բանակին:

Իրաքի վարչապետը նաև հրահանգել է Քիրքուքի նահանգապետարանի շենքի վրա բարձրացնել Իրաքի պետական դրոշը:

Հիշեցնենք, որ նավթային պաշարներով հարուստ Քիրքուքը «Իսլամական պետություն» (ԻՊ) ահաբեկչական կազմակերպության զինյալներից մաքրելուց հետո անցել էր Իրաքի քրդերի վերահսկողության տակ, իսկ  պաշտոնական Բաղդադն էլ պահանջում է, որ նահանգը վերադարձվի Իրաքին: