02.04.2026 | 11:12
Պետություն-եկեղեցի հարաբերությունների առնչությամբ ԱԺ հայտարարության վերաբերյալ լսումներ. ՈՒՂԻՂ
Մամեդյարովը հայտարարել է, որ ԼՂ բանակցություններում հայկական կողմից «Լավրովի պլանն» է ի հայտ եկել
Քաղաքականություն
12.12.2019 | 21:41
Ադրբեջանի ԱԳ նախարար Էլմար Մամեդյարովը, մեկնաբանելով արցախյան հակամարտության խաղաղ կարգավորման գործընթացը, հայտարարել է, որ Հայաստանի ԱԳ նախարար Զոհրաբ Մնացականյանի հետ բանակցություններում քննարկվում են «հստակ և իրական պահեր»՝ հավելելով, որ հայկական կողմից տարբեր փաստաթղթեր են ի հայտ եկել, որոնցից վերջինը «Լավրովի պլանն» է: Այս մասին գրում է ադրբեջանական «Ինտերֆաքս»-ը:
««Լավրովի պլանը» քննարկումների արդյունք է, շուրջ երկու տարի առաջ՝ Մոսկվայում: Բայց այն, ամեն դեպքում, կանգ է առնում «մադրիդյան սկզբունքների» վրա: ԵԱՀԿ Մինսկի խմբի համանախագահների՝ 2019 թվականի մարտի 9-ի հայտարարությունում հենց սահմանված է միջնորդների տեսլականը՝ բանակցություններում առաջընթաց ապահովելու համար»,- ասել է Մամեդյարովը:
Նրա խոսքով՝ պլանի էությունը շատ պարզ է՝ փուլային կարգավորում. «առաջին փուլում՝ զորքերի դուրսբերում, ադրբեջանական բնակչության վերադարձ, անվտանգության ապահովում, կապերի հաստատում»:
