17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Ի՞նչ էր ասել Սերժ Սարգսյանն իր՝ հավանական ձերբակալման մասին. ՏԵՍԱՆՅՈՒԹ
Քաղաքականություն
04.12.2019 | 18:35
Ինչպես րոպեներ առաջ հայտնի դարձավ, ՀՔԾ-ն մեղադրանք է առաջադրել ՀՀ երրորդ նախագահ Սերժ Սարգսյանին։ Ըստ նախաքննական մարմնի՝ 2008 թվականի ապրիլի 9-ից մինչև 2018 թվականի ապրիլի 9-ը զբաղեցնելով ՀՀ նախագահի պաշտոնը, Սերժ Սարգսյանն իր պաշտոնեական դիրքն օգտագործելով, 2013 թվականի հունվարի 25-ից մինչև նույն թվականի փետրվարի 7-ն ընկած ժամանակահատվածում կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը:
Սերժ Սարգսյանի նկատմամբ խափանման միջոց է ընտրվել ստորագրություն՝ չհեռանալու մասին։ Պետք է հիշել, որ երրորդ նախագահին մեղադրանք աառջադրելու, հնարավոր ազատազրկման մասին մինչ այս բարձրաձայնում էին ՀՀԿ-ական գործիչներ, անգամ նրա փեսա Միքայել Մինասյանն էր «ահազանգել»։ Այդպիսի հարց հոկտեմբերի վերջին Սերժ Սարգսյանին տվել էին նաև Անդրանիկ Մարգարյան քաղաքական դպրոցի շրջանավարտները։
Սերժ Սարգսյանը պատասխանել էր, որ իր անձի հետ կապված վախենալու որևէ բան չունի. «Եթե ինձ ձերբակալելով մեր ժողովուրդը գոհ ու երջանիկ կլինի, Մարտի 1-ը, Հոկտեմբերի 27-ը կհամարվի ամբողջովին բացահայտված, մեր երկրին սպառնացող վտանգները կչեզոքանան, ԼՂ բանակցությունները կվերադառնան ճիշտ ուղի, թող ձերբակալեն»:
