23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՊՎԾ-ում ամեն ամիս պարգևավճար են ստանում. 83,7 միլիոն դրամ գաղտնի բաժանել են միմյանց
Տնտեսություն
22.11.2019 | 21:47
Պետական վերահսկողական ծառայության ղեկավար կազմը և աշխատակազմի մյուս անդամները ընթացիկ տարում յուրաքանչյուր ամիս պարգևավճար են ստացել: Հունվարից մինչև նոյեմբեր ժամանակահատվածում ՊՎԾ-ում բոլորը միասին 83,7 միլիոն դրամի /176 հազար ԱՄՆ դոլար/ պարգևավճար են ստացել: Այս մասին Factor.am-ին փոխանցում են Պետական վերահսկողական ծառայությունից:
Կառույցի պարգևավճարների բյուջեն 2019 թվականին կազմել է 123, 327 մլն դրամ, իսկ աշխատավարձինը՝ 418 մլն դրամ:
ՊՎԾ-ից հրաժարվել են տրամադրել անվանական պարգևավճարների ցանկը՝ հղում անելով «Անձնական տվյալների պաշտպանության մասին» ՀՀ օրենքին:
Ի դեպ, ՀՀ արդարադատության նախարարության Անձնական տվյալների պահպանության գործակալության նախկին պետ, «Ինֆորմացիայի ազատության կենտրոնի»-ի ղեկավար Շուշան Դոյդոյանը նախկինում Factor.am-ի հետ զրույցում պնդել էր, որ պարգևավճարների հրապարակումն օրենքի խախտում չի համարվում:
Հավելենք, որ նախորդ տարի Երևանի քաղաքապետարանի կողմից 474 մլն դրամի կամ 974 հազար ԱՄՆ դոլարի պարգևատրումների մասին Factor.am-ի հրապարակումից հետո ծագած հանրային դժգոհության ֆոնին Երևանի քաղաքապետարանը ևս հրաժարվում էր պարգևավճարների անվանական ցանկը հրապարակել, սակայն Անձնական տվյալների պահպանության գործակալության հստակեցումներից հետո ցանկը հրապարակվում է Երևանի քաղաքապետարանի կայքում:
Նարեկ Կիրակոսյան
