08.08.2026 | 19:25
Հրդեհ՝ Սայաթ-Նովայի պողոտայի շենքերից մեկում. 5 բնակչի տարհանել են
Երևանի ավագանու ընտրություններին մի կողմից մասնակցում էին ընդդիմադիր ուժերը, մյուս կողմից՝ պետությունն իր բոլոր լծակներով․ Ավետիք Իշխանյան
Հասարակություն
15.05.2017 | 15:50
«Հայաստանում ձևավորվել է հպատակի մտածողություն։ Եթե այդ մտածողությունը չհաղթահարվի՝ ես Հայաստանի համար զարգացման ապագա չեմ տեսնում»,- գնահատելով մայիսի 14-ին կայացած Երևանի ավագանու ընտրությունները՝ Factor.am-ի հետ զրույցում նշում է Հայաստանի Հելսինկյան կոմիտեի նախագահ Ավետիք Իշխանյանը։
«Հանրապետական կուսակցությունը ոչ թե որպես ուժ է մասնակցում ընտրություններին, այլ այդ անվան տակ ընտրություններին մասնակցում է պետությունը՝ պետական լծակներով, և դու ի՞նչ կարող ես անել պետական լծակների դեմ։ Այս պարագայում նույնիսկ ամենաուժեղ ընդդիմությունը որևէ շանս չունի, որովհետև նա ոչ թե գաղափարապես պայքարում է քաղաքական ուժի դեմ, այլ՝ պետական ինստիտուտների դեմ»,- նկատում է իրավապաշտպանն ու հավելում․ «Ցանկացած ընտրախախտում ո՞ւմ կողմից պետք է կասեցվի․ իրավապահ մարմինների կողմից, իսկ եթե այդ ամենը՝ ընտրություններ կոչվածը, բոլոր տեսակի ընտրախախտումներով, կատարում են հենց այդ նույն մարմինները, և նույն տեղից հրահանգներ են տրվում, ապա ո՞վ պետք է դրանք կասեցնի կամ պատժի։ Սա Հայաստանի հիմնահարցն է»։
Հարցազրույցն ամբողջությամբ՝ տեսանյութում։
Սեդա Ղուկասյան
