27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Վաշինգտոնը կոչ է անում Մադուրոյին հեռանալ և Վենեսուելային զարգանալու հնարավորություն տալ. VOA
Քաղաքականություն
01.09.2019 | 12:54
Վենեսուելայի հարցերով ԱՄՆ-ի հատուկ ներկայացուցիչ Էլիոթ Աբրամսը հայտարարել է, որ Միացյալ Նահանգները «պատրաստ է փոփոխությունների Վենեսուելայում»: Աբրամսի խոսքով, ինքն իրեն շրջափակման մեջ դրած երկրի նախագահ Նիկոլաս Մադուրոյի կամավոր հեռացումը երկրի զարգացման կարեւորագույն բաղադրիչն է, որը դուռ կբացի դեպի ազատ ընտրություններ եւ ժողովրդավարություն. գրում է VOA-ն:
ԱՄՆ-ի ներկայացիչն ընդգծում է՝ Մադուրոյի պաշտոնից հեռացումը ոչ թե պատիժ է կամ՝ վրեժխնդրություն: Մադուրոն, սակայն, դեռեւս չի տվել փոխզիջմանը գնալու եւ իշխանությունից կամավոր հեռանալու որեւէ ազդանշան:
Մինչդեռ, Միացյալ Նահանգները մեղադրանք է ներկայացրել Վենեսուելայի նախկին փոխնախագահ Էլ Այսամիին հատկապես խոշոր չափերի թմրանյութի վաճառքով զբաղվելու համար: Կոկաինի բազմաթիվ տոննաներ Այսամիի ղեկավարությամբ Վենեսուելայի ռազմաբազաներից տեղափոխվել են Մեքսիկա, այնուհետեւ՝ Միացյալ Նահանգներ: Էլ Այսամին, ով ունի սիրիական արմատներ, սերտ հարաբերություններ է պահպանում Հեզբոլլա ահաբեկչական խմբավորման հետ:
Ինքը՝ Մադուրոն հեռուստաեթերում պաշտպանել է իր նախկին փոխնախագահին, հայտարարելով, որ իր նախկին փոխնախագահը հետապնդման է ենթարկվում «ռասիստների կողմից»: Ավելի քան 50 երկրներ հրաժարվում են ճանաչել Մադուրոյի նախագահությունը եւ փոխարենը ճանաչում որպես երկրի նախագահ ընդդիմության առաջնորդ Հուան Գուայդոյին:
