08.12.2025 | 18:29
ԱՄՆ-ի հետ բանակցությունները դեռևս չեն հանգեցրել Դոնբասի վերաբերյալ համաձայնության. Զելենսկի
Երևան Օփեն. 2-րդ տուրից հետո 27 շախմատիստ գլխավորում է աղյուսակը
21.09.2017 | 14:22
Հայաստանի շախմատի ակադեմիայում կայացել է «Երևան Օփեն» միջազգային մրցաշարի 2-րդ տուրը:
Այս մասին հայտնում է Հայաստանի շախմատային ֆեդերացիայի պաշտոնական կայքը:
Մրցաշարի առաջին դասակարգված շախմատիստ, գրոսմայստեր Հրանտ Մելքումյանը սպիտակներով չի կարողացել առավելության հասնել Հայկ Վարդանյանի նկատմամբ:
Մրցակիցների դիմադրությունը չեն կարողացել կոտրել նաև գրոսմայստերներ Ռոբերտ Հովհաննիսյանը, Իվան Ռոզումը, Սամվել Տեր-Սահակյանը և Հովհաննես Գաբուզյանը:
Տուրի գլխավոր անակնկալն էր Սիրանուշ Ղուկասյանի հաղթանակը միջազգային վարպետ Արամ Հակոբյանի նկատմամբ:
Մրցաշարի ֆավորիտներից 2-րդ հաղթանակները գրանցել ենն Վլադիմիր Օնիշչուկը, Տիգրան Լ. Պետրոսյանը, Զավեն Անդրիասյանը, Արման Փաշիկյանը, Ալեքսեյ Ալեքսանդրովը, Արտաշես Մինասյանը և Հայկ Մարտիրոսյանը:
2-րդ հաղթանակը տոնել է նաև Հայաստանի կանանց հավաքականի անդամ Լիլիթ Մկրտչյանը: Կանանց հավաքականի անդամներից Մարիա Կուրսովան ոչ-ոքի է խաղացել գրոսմայստեր Տիգրան Քոթանջյանի հետ, իսկ Մարիա Գևորգյանը պարտվել է գրոսմայստեր Օլեգ Կորնեևին:
Մեկնարկային տուրի ցավալի պարտությունից հետո առաջին հաղթանակը տոնել է Մանուէլ Պետրոսյանը:
Հաղորդվում է, որ 2-րդ տուրից հետո 27 շախմատիստ վաստակել են 2-ական միավոր և գլխավորում են աղյուսակը: 21 շախմատիստ առաջատարներից հետ են մնում կեսական միավորով:
