03.04.2026 | 23:13
NASA-ն հրապարակել է Երկրի նոր լուսանկարը
Աթամբաևին ևս երկու քրգործով մեղադրանք է առաջադրվել
Քաղաքականություն
15.08.2019 | 15:54
Ղրղզստանի նախկին նախագահ Ալմազբեկ Աթամբաևին ևս երկու քրեական գործով մեղադրանք է առաջադրվել: Այս մասին ՏԱՍՍ-ին ասել է Աթամբաևի նախկին փաստաբան Սերգեյ Սլեսարևը:
«Աթամբաևին ծանուցում է հանձնվել հողատարածքների հետ կապված անօրինական գործարքներին մասնակցության կասկածանքի մասին»,- ասել է փաստաբանը:
Նրա խոսքով՝ այդ փաստերով «երկու առանձին քննչական խմբեր են ստեղծվել»:
Ղրղզստանի նախկին նախագահին վերջին հինգ օրերին իրավապահ մարմինների աշխատակիցների նկատմամբ բռնություն կիրառելու, սպանություն կազմակերպելու, մահափորձ կազմակերպելու, գերեվարում կազմակերպելու, քրեական հեղինակություն Ազիզ Բատուկաևին բանտարկությունից ապօրինաբար ազատ արձակելու ժամանակ կոռուպցիայի, Բիշքեկի ՋԷԿ-ի վերակառուցման ժամանակ կոռուպցիայի և Բիշքեկում «Ֆորում» արդյունաբերական խմբի շենքի հետ կապված անօրինական գործարքի կասկածանքով ծանուցումներ են ուղարկվել:
