04.02.2026 | 22:10
«Հայաստան–Դիմակայուն Սյունիք» ծրագրի շրջանակում ստորագրվել է ջրամատակարարման ոլորտի համագործակցության հուշագիր
261 մլն դրամ ԱԻՆ-ին․ հրշեջ փրկարարները համազգեստ ու անհրաժեշտ նոր տեխնիկա կունենան․ ՏԵՍԱՆՅՈՒԹ
Քաղաքականություն
25.07.2019 | 12:14
Կառավարությունը հուլիսի 25-ի նիստում ընդունեց որոշման նախագիծ, որով առաջարկվում է Արտակարգ իրավիճակների նախարարությանը հատկացնել 261 միլիոն 382 հազար դրամ։
Ըստ որոշման նախագիծը Կառավարության համաձայնությանը ներկայացնող ԱԻՆ նախարար Ֆելիքս Ցոլակյանի՝ 2019 թվականի հունիսի 1-ի դրությամբ հրդեհների կանչերի թիվը նախորդ տարվա համեմատ աճել է առավել քան կրկնակի, և այդ աճը պահպանվում է, ինչի հետևանքով առաջացել է վառելիքի գերածախս, որը բերել է փրկարար ծառայության 3-րդ և 4-րդ եռամսյակի համար նախատեսված վառելիքի օգտագործմանը:
Նախարարի խոսքով՝ բուսածածկ դժվարամատչելի վայրերի հրդեհների ժամանակ անհնար է կիրառել հրշեջ ավտոբաքեր, ուստի խիստ անհրաժեշտ է ստորաբաժանումներն ապահովել պարզագույն հրդեհաշիջման միջոցներով։
Նախարարը նաև հայտնեց, որ մարտական համազգեստով ապահովված է ՀՓՋ-ների երեք հերթափոխներից մեկը, չնայած այն հանգամանքին, որ մարտական համազգեստը հանդիսանում է անհատական օգտագործման գույք, ուստի անհրաժեշտ է 530 լրակազմ մարտական հագուստ՝ 95 մլն 400 հազ. դրամ ընդհանուր արժեքով, յուրաքանչյուր հերթափոխին մեկական լրակազմով (սաղավարտ, բաճկոն, տաբատ, գոտի, ձեռնոց, կոշիկ) ապահովելու համար:
Մանրամասները՝ տեսանյութում։
Աղավնի Սուքիասյան
