07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
«Դատախազությունը միտումնավոր ձգձգում է նիստը». Ռոբերտ Քոչարյան. ՏԵՍԱՆՅՈՒԹ
Հասարակություն
19.07.2019 | 14:15
Վերաքննիչ քրեական դատարանում դատավոր Արսեն Նիկողոսյանի նախագահությամբ ընթանում է ՀՀ երկրորդ նախագահ Ռոբերտ Քոչարյանի գույքի վրա դրված կալանքի վերաբերյալ դատավոր Դանիբեկյանի կայացրած որոշման դեմ Դատախազության կողմից բերված բողոքի քննությունը։
Դատական նիստին ներկա է նաև Ռոբերտ Քոչարյանը, սակայն ներկա չէ մեղադրող կողմը:
Դատախազ Դոլմազյանը գրություն էր ուղարկել դատարան, որ այսօր նույն ժամին այլ դատական նիստ ունի և չի կարող ներկայանալ սույն դատական նիստին և միջնորդել է հետաձգել այն:
Պաշտպանական կողմը առարկեց` ասաց դատական նիստը պետք է շարունակվի: Ռոբերտ Քոչարյանը հայտարարեց` «միտումնավոր չեն ներկայացել, որպեսզի նիստը ձգձգվի»: Դատավորը, սակայն, ասաց, որ կարևոր է բողոքաբեր կողմի կարծիքը լսել և որոշեց հետաձգել նիստը:
Հիշեցնենք, որ 2018 թվականի հուլիսի 30-ին, Ռ․ Քոչարյանին մեղադրանք առաջադրելուց 4 օր անց, կալանք է դրվել նրա ինչպես գույքի, այնպես էլ բանկային հաշիվների վրա: Հունիսի 7-ին Երևան քաղաքի ընդհանուր իրավասության դատարանը՝ նախագահությամբ դատավոր Աննա Դանիբեկյանի, մասնակի բավարարել էր պաշտպան Հովհաննես Խուդոյանի ներկայացրած բողոքը՝ արձանագրելով Ռոբերտ Քոչարյանի իրավունքների խախտում: Սակայն գույքը կալանքից չէր ազատել:
Լիլիթ Շաբոյան
